Украина е отворена за франшизи

Франшизи од исток / Еден од Украинските франшизни системи коj се шири надвор од границите на домашниот пазар е синџирот ресторани Chinkalnia
Среда
24.07.2019
PROFIT system, една од најголемите европски консултантски компании специјализирани за франшизинг, потпиша договор за соработка со Franchise Group, која е лидер во областа на франшизното советување во Украина.
 

PROFIT system моментално има франшизни консултантски куќи во вкупно 15 земји, поголемиот дел во централна и источна Европа, Италија и Саудиска Арабија. Новиот украински партнер на PROFIT system ќе го олесни влезот на странски франшизни системи во Украина и Казахстан, пазари на кои Franchise Group веќе работи. – Ова може да биде добра вест и за франшизните системи од земјите на овој регион кои имаат амбиции или гледаат потенцијал за развивање на споменатите пазари – вели Игор Богојевиќ, регионалниот директор на компанијата PROFIT system.

Воспоставувањето на соработка, пак, ќе ги отвори вратите и за изворните украински франшизни системи, кои сега полесно ќе може да го насочат развивањето на франшизната мрежа на десетина нови пазари. Договорот кој го потпишале PROFIT system и Franchise Group подразбира и соработка во областа на советување, правни услуги, издавачка дејност и вработување на примателите на франшиза.

Franchise Group е најголемата украинска консултантска компанија специјализирана за франшизинг, која се занимава со развивање и продажба на франшизни концепти. Во оваа група дејствуваат и компании од областа на прехрамбената индустрија (дистрибутер и оператор на 70 продавници во западна Украина), хотелиерство (меѓународниот синџир на хотели Dream Hostel) и гастрономија (синџир на ресторани Baczewski во Украина и Варшава).

Нашата стратегија за развој се заснова на пронаоѓање силни локални партнери кои веќе работат и имаат искуство во областа на франшизингот – вели Михал Вишњевски, извршен директор на компанијата PROFIT system. – Благодарение на ова, нашите клиенти, даватели на франшиза, можат да сметаат на стручната поддршка кога ќе се определат за влез на нови пазари. Од друга страна, партнерите на PROFIT system, користејќи ги нашите алатки и присуството на повеќе странски пазари, можат да понудат помош на своите клиенти кога ќе се одлучат за ширење во Европа – вели Вишњевски.

Првите резултати од соработката со Franchise Group ќе се видат за време на октомврискиот Саем на франшизи во Варшава, на кој ќе се претстават и концептите од Украина. Во Полска веќе дејствуваат неколку украински франшизни системи, меѓу кои се ресторанот Chinkalnia, фризерскиот салон Haircut Express, козметичкиот салон G.Bar, како и кафулето Crema Caffe.

Се претставивме прв пат пред три години  на Саемот на франшиза. Оттогаш отворивме осум франшизни ресторани во Полска – вели Марта Науменко која е менаџер за развој на рестораните Chinkalnia, овогодинешен излагач на Саемот на франшиза во Варшава.

PROFIT system е компанија која е регистрирана во Полска со ќерки фирми во повеќето земји во кои работи. Спаѓа во една од најголемите европски консултантски компании специјализирани  за давање услуги за франшизинг. Свои подружници има во 15 земји, поголемиот дел во централна и источна Европа, Италија и Саудиска Арабија. Издавач е на неколку печатени и онлајн франшизни медиуми, меѓу кои се и регионалните франшизни портали во Србија, Хрватска, Словенија и Северна Македонија, а наскоро и Косово и Албанија. Организатор е на Меѓународниот саем на франшиза во Варшава и на Регионалниот саем „Идеја за бизнис“ во Катовице.


Добивка за двете страни / Franchise Group е новиот украински партнер на компанијата PROFIT system кој ќе го олесни влезот на странски франшизи на пазарите во Украина и Казахстан

погледнете ги текстовите

Италија: бизнис искуства и решенија во време на COVID-19 /01.04.2020

Италија беше првата европска земја во која се појави новиот корона вирус. После неколку недели од епидемијата, ја анализираме економската состојба во Италија и мерките на Владата во Рим.

Едукацијата се сели „онлајн“ /25.03.2020

Полскиот франшизен синџир на училишта за англиски јазик Early Stage не запре со работата и покрај затворањето на училиштата. Часовите ги одржуваат online. Дали и примателите на франшиза го користат ова решение?

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

Кои се најуспешните франшизи? /28.02.2020

Листата на порталот FranchiseDirect за оваа година покажува дека американските франшизи се најуспешни и најзастапени во светот. Меѓу нив најбројни се гастрономските системи.

Прилика за македонските франшизи да настапат на Franchise Expo Paris 2020! /10.02.2020

Се приближува најголемиот европски саем за франшиза - Franchise Expo Paris. Организаторите годинава подготвуваат специјален павилјон за концепти од Централна и Источна Европа. Исто така, се нуди можност за франшизните системи од нашиот регион.

најчитани

Дали сте за суши? /07.11.2019

Sushi by A's, франшизен концепт кој се заснова на подготовка и продажба на суши во рамките на трговски ланци, ја прошири мрежата во Хрватска и Словенија и најавува влез на нови пазари.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

LG Салон за перење /19.03.2019

Во ритамот на животните промени – помалку време, помал животен простор и големи сметки за струја, не е за изненадување кога новите бизнис концепти се издигнуваат, искористувајќи ја ваквата ситуација како поволна прилика која води кон основање нов бренд - сервис за перење.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

популарно во форумот