Унгарска франшиза на сладоледи на стапче

Anjuna Ice Pops /
Среда
11.09.2019
„Сакавме да создадеме место каде секој ден ќе биде лето“ - велат сопствениците на Anjuna, унгарска франшиза за продажба на сладолед на стапче, која сакаат да ја пренесат и на други пазари - вклучително и Македонија.
 

 

Разнобојните сладоледи под брендот Anjuna се појавија на улиците на Будимпешта во летото 2016 година и брзо станаа хит. Тие се прават исклучиво од природни состојки, без употреба на вештачки бои и адитиви - во чекор со глобалниот тренд на ‘free from’ храна. Со јакнењето на поздрави навики во исхраната, а особено со базата на вегански потрошувачи, за Anjuna се отвора широка ниша на пазарот за летни слатки, со која дотогаш, според мислењето на основачите Јожеф Салај и Милан Сабо, доминирале традиционалните форми на сладолед - во корнет или во чашка, припремени во занаетчиски или индустриски услови. 

 

Како што Милан Сабо се сеќава, пред неколку години во продавница за деликатесни производи наишол на кутија сладолед од кокос, кој всушност бил направен од вистинско кокосово млеко и месо (пулпа), без никакви адитиви. Се чини дека истиот производ бил доста скап за увоз и едноставно го снемало од полиците за неколку месеци, иако имал добра продажба. Благодарение на ова, кај нив се родила идеја за сладолед кој ќе биде направен од овошје и билни состојки. Од пресудно значење за новиот бизнис ќе биде подоцнежното патување во Индија каде не само што ја финализирале идејата за крајниот производ - овошен сладолед на стапче - туку и формирале целосна животна филозофија... 

 

Во 2015, соочени со период во животот полн со предизвици, ги пакуваат ранците и се упатуваат кон бреговите на Анјуна. - Анјуна нè фасцинираше уште од првиот момент, тоа беше најспиритуалното патување во нашите животи - Знаевме дека би сакале да задржиме тоа чувство, да го затвориме во кутија, да го земеме со нас и да го споделиме со другите. Сакавме да создадеме место каде секој ден ќе биде лето. Сладоледот беше совршена идеја која можеше да одговори на ова барање. Дури и при одлучувањето за името на брендот - Анјуна се наметна како најдобро решение. Фигурата на слон на логотo на Anjuna е референца на хинду-богот Ганеш, но повеќе како модел, реминисценција, отколку некаква религиозна конотација - вели едниот од основачите, Сабо.

 

Овошните сладоледи на стапче секако не биле новост, туку на пример веќе одамна биле популарни во Америка така што немало посебна причина зошто тие не би биле прифатени во Унгарија. Концептот веќе бил разработен, само требало да се започне, па така сите пари што ги заработиле како професионални играчи на покер, го дале за машина за правење сладолед! „Кога денес размислуваме за тоа, беше луда идеја, но можеби токму таа лудост нè доведе до ова денес“, ја коментира Сабо тогашната одлука.

 

Си поставиле за цел да направат ништо помалку од - најдобриот сладолед во светот. Ова е причината зошто Anjuna сладоледите се прават исклучиво од овошје и растителни млека, без додавање вода, па затоа не се споредливи по квалитет со сладоледите кои можат да се купат во обична продавница. Производите кои се продаваат како здрави, природни и без “додатоци“ (free from), неретко се гледаат со скептицизам, се перцепираат како преценети и без вкус, и конечно, како уште еден начин да се земат пари од потрошувачите. - Нема потреба да се запрашаме зошто квалитетната храна е скапа, туку зошто некои производи се толку ефтини? - реторички коментира Сабо. Користењето висококвалитетни и скапи состојки не е нов тренд, туку враќање кон природната храна која со помош на нови технологии се прилагодува на вкусот и потребите на современиот потрошувач. „Сè што треба да направите е да го прочитате и споредите списокот на состојки кои се употребуваат во нашите и во други сладоледи, и одговорот е јасен“, додава Сабо.

 

Сметаат дека започнале „револуција“ на домашниот пазар, меѓутоа и дека нивните амбиции во никој случај не се задоволени - целта е Anjuna да се појави на улиците од Барселона до Калифорнија. Уште од првиот момент почнале да размислуваат за развој на франшиза како оптимално решение за посакуваниот раст. Во моментов постојат пет продавници за сладолед „Anjuna“ во Будимпешта и една во Балатон - три во сопственост на компанијата, три во рацете на приматели на франшиза. Давателот на франшиза е одговорен за производство и дистрибуција, а партнерите се фокусирани на пружање на најдобро искуство на потрошувачот (customer experience) кога ќе се најде во една од продавниците на Anjuna. Ширењето на франшизата во странски земји е еден од следните чекори, а Македонија со својот туристички потенцијал и огромниот број на сончеви денови во годината секако ќе биде една од првите на листата! 

 

Подготвено и адаптирано според текст од порталот Franchising.hu, автор на оригиналниот текст: Шаш Нори 


Јожеф Салај и Милан Сабо / Сопственици на брендот Anjuna Ice Pops
Санда Србиновска
Новинар

погледнете ги текстовите

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

Одличниот Surf’n’Fries е веќе во Белград. Дали наскоро го гледаме и во Скопје? /13.02.2020

Ланецот ресторани Surf’n’Fries, познат по помфритот, необичните сосови и оригиналната амбалажа, пристигна и во соседството. Првиот ресторан од овој франшизен ланец отворен е во Белград.

Автоматизиран „Sид за пијалоци“, угостителски концепт од иднината /05.01.2020

Оригиналниот концепт на услуги по кој се препознаваат рестораните EasyBeer и EasyWine посебно е интересен за гостите, а нивната исплатливост, за претприемачите кои се заинтересирани за оваа франшиза.

Место на пазарот за познатата пицерија /31.12.2019

Pizza Hut започнува со ширење на франшизната мрежа во централна и источна Европа. Што е потребно за отворање на ресторан и колку чини да се работи под овој бренд?

најчитани

Секторот на убавина во време на пандемија: неколку искуства /29.04.2020

Епидемијата од коронавирусот влијае и на бизнисот поврзан со нега и убавина. Како се справуваат франшизните системи во оваа, новонастаната состојба? Пренесуваме искуства од Полска.

LG Салон за перење /19.03.2019

Во ритамот на животните промени – помалку време, помал животен простор и големи сметки за струја, не е за изненадување кога новите бизнис концепти се издигнуваат, искористувајќи ја ваквата ситуација како поволна прилика која води кон основање нов бренд - сервис за перење.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

JUMBO расте на Балканот /20.07.2018

Џамбо, грчки синџир продавници за играчки, ја прошири мрежата за франшиза во регионот. Последната продавница беше отворена во Гњилане, Косово.

популарно во форумот