Eфикасно управување со недвижнини - шанса за брз развој

Direct Booker / Aгенција која ги поврзува изнајмувачите на недвижнини и патниците преку посредување и нудење помош на двете страни.
Петок
29.11.2019
Кој пазар е „посакувана дестинација“ за развој на франшизна мрежа, кои се идеални партнери и колку треба да се инвестира во оваа туристичка франшиза, открива Нино Дубретиќ, ко-сопственик на Direct Booker.
 

Компанијата Direct Booker работењето го започнаа во 2013 година во Дубровник, а денес веќе работат во седум земји. Direct Booker е туристичка агенција за изнајмување и управување со приватно сместување, која од 2017 ја проширува својата мрежа на франшизи, така што ќе има ексклузивни партнери нѐ само на домашниот пазар во Хрватска, туку и во Перу, Црна Гора, Словенија, Босна и Херцеговина, Србија и Албанија. - Ова е само почеток на меѓународниот развој - вели Нино Дубретиќ, еден од сопствениците на системот „Direct Booker“. Каде и да се развива туризмот, каде и да има побарувачка за приватно сместување - ќе има простор за услугите на Direct Booker, смета тој. Во основа, ги поврзуваме изнајмувачите и патниците. Им помагаме на изнајмувачите да се рекламираат и да ги изнајмат своите капацитети за сместување преку добро познати интернет платформи, но исто така ги советуваме како да ја уредат и опремат сместувачката единица, да ги оптимизираат цените за сместување, да ги претстават своите имоти, да им понудат на гостите низа придружни туристички услуги - од превоз, изнајмување автомобил, излети и патувања па се до препораки за ресторани, клубови и културни/историски знаменитости. Сето ова, во суштина, е задача на нашите приматели на франшиза - објаснува Дубретиќ.

Од оваа година, Direct Booker го таргетира и полскиот пазар. Веќе е направен првиот чекор во промовирање на овој пакет- бизнис и франшиза, и од 17 до 19 октомври тие учествуваа на 17-тиот саем за франшиза во Варшава каде ја искористија можноста да се запознаат со претприемачите и потенцијалните приматели на франшиза на полскиот пазар. Го прашавме Дубретиќ зошто Полска е „пожелна дестинација“ за развој на франшизната мрежа, какви услуги ќе понудат на тој пазар и колку треба да се инвестира во оваа франшиза.

Зошто се решивте за Полска?

Во Полска, како и во многуте земји од вашиот регион, туризмот брзо се развива. Голема е побарувачката за наем на краткорочно сместување, но и за систем што ефикасно би управувал со процесот на изнајмување, преку агенциски услуги и најнови технологии. Ова е причината зошто Полска ни изгледа како пазар кој ветува.

Многу од услугите кои ги нудите недвосмислено им заштедуваат време на изнајмувачите. Што навистина подразбира таа соработка?

Секоја недвижнина или сместувачка единица добива свој акаунт менаџер (управник на единица) од Direct Booker, кој контролира и педлага цени за изнајмување со постојано следење и споредување на цените на други единици за изнајмување во тој период. Многу често, само со овaa информациja сопствениците на имот можат да го зголемат потенцијалот на својата недвижнина и да го зголемат профитот. 

Инаку, пазарот за изнајмување може да се подели во две групи. Првата група се оние на кои им е потребна цела низа услуги: рекламирање преку интернет, услуги за резервација, комуникација со гости, финансиски услуги како што се издавање сметки, плаќања со платежни картички и чекови, па дури и услуга за чистење на сместувачката единица. Доколку сопственикот има посебно барање, можеме да обезбедиме и фотограф кој професионално ќе го фотографира ентериерот, како би ни помогнале во градење на силни профили на сајтовите за нудење на недвижнини. 

Вториот вид на изнајмувачи се оние на кои не им требаат сите горенаведени услуги, но кои сигурно би го унапредиле и подобриле секојдневниот процес на изнајмување. Како прво, ова се однесува на синхронизација на цената со календарот на сите веб-страници на кои се рекламираат, најчесто Booking, Airbnb, Expedia, HomeAway. Доколку изнајмувачот не сака да го искористи целиот пакет услуги, секогаш можеме да му понудиме поддршка за таканаречената Booker Tools - специјална алатка која ќе му овозможи да управува со сместувачката единица во однос на цената и логистиката.

Што содржи франшизниот пакет на Direct Booker?

Примателот на нашата франшиза има право да го користи нашиот бренд, да ги нуди сите услуги за поддршка на изнајмувачите на недвижности, а сето тоа во согласност со уникатниот know-how на Direct Booker. Примателот, се разбира, го користи нашиот ИТ систем, оперативниот прирачник, користи помош за сите прашања кои ги има во врска со тековното работење. Од друга страна, должен е да води маркетинг на локално ниво и да обезбедува услуги, само на подрачјето за кое е склучен договорот.

За кои региони или градови во Полска барате франшиза?

Ние сакаме да привлечеме претприемачи од атрактивни туристички дестинации како што се Варшава, Вроцлав, Краков, Гдањск. Тоа можат да бидат и „почетници“ - луѓе кои само размислуваат да започнат свој бизнис, но и претприемачи кои веќе работат во туризам, а кои имаат намера да ја прошират својата понуда со дополнителни агенциски услуги или да заработат преку продажба на нашата технологија.

Колку примателот на франшиза треба да инвестира во овој бизнис?

Првичната инвестиција, која вклучува пристапување во мрежата на Direct Booker изнесува 5.000 евра. Примателот на франшиза плаќа и редовен надоместок кој изнесува 7% од вкупниот промет. Од друга страна, примателот добива помеѓу 5% до 10% од секоја изнајмена единица за изнајмување. Колку пак ќе мора да почека за враќање на инвестицијата, зависи во голема мера од бројот и опсегот на услуги што ќе ги обезбеди.


Нино Дубретиќ, ко-сопственик на Direct Booker / „Каде и да се развива туризмот, каде и да има побарувачка за приватно сместување - ќе има простор и за услугите на Direct Booker“.

најчитани

Каков бизнис може да стане франшизата? /26.10.2018

Успешното работење може да доведе до отворање на работилници или филијали, отворање на нови фирми или - по пат на франшиза. Во споредба со првите два начини, деловен развој по пат на франшиза бара помали инвестиции и носи помал ризик.

Дефиниција на франшизинг /17.07.2018

Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.

Како да се подготвите за улогата примател на франшиза? /06.05.2019

Кој бизнис? Има ли пазар за тоа што сакам да го работам/понудам? Имам ли доволно пари за отпочнувањае бизнис? На крајот, дали ќе ми се исплати оваа работа?

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Modeli širenja franšiznih sistema /25.10.2018

Секој франшизен систем бира или креира начин на меѓународна експанзија кој најмногу му одговара. Меѓутоа, мже да се каже дека постојат пет основни начини на ширење, односно модалитети во кои франшизните системи се присутни на пазарот. Како да се одбере вистинскиот?

популарно во форумот