Промените не влијаат на развојот

Потребите на дигиталната ера / Програмерите и понатаму го задржуваат местото помеѓу најбараните експерти на пазарот на трудот, а интересот за воннаставни курсеви за програмирање не се намалува.
Среда
24.03.2021
Како се прилагодуваше начинот на работењето во услови на пандемијата и на каква поддршка можеа да сметаат бројните приматели на франшизи, одговара Радослав Кулеша, коосновач на училиштето за програмирање за деца, Coding Giants.
 

Синџирот на училишта за програмирање за деца, Coding Giants, започнува со развој во Полска, од 2015 година. Имено, четворицата основачи на ова училиште, веднаш по завршувањето на студиите, навлегуваат во претприемачките води. Наместо да бараат вработување, тие решиле да основаат свое училиште за програмирање, со желба за забавно и иновативно дигитално ‘’описменување’’ на сите деца и млади, заинтересирани за нови технологии и компјутерско програмирање.

Моментално, Coding Giants го покрива полскиот пазар со повеќе од 100 училишта за програмирање, а плановите за развој ги надминуваат границите на домашниот пазар, во уште поголема мера. Франшизата за ова училиште се нуди и на претприемачите од земјите во овој регион, а првата ‘’регионална’’ франшиза започна со работа на крајот на месец февруари, во Хрватска.

Како системот се менуваше и прилагодуваше на новите околности и услови на пандемијата и на каква поддршка можеа да сметаат бројните приматели на оваа франшиза, одговара Радослав Кулеша, еден од основачите на Coding Giants.

Како пандемијата влијаеше врз образовниот сектор и работењето на училиштата за програмирање Coding Giants?

Пандемијата секако, го погоди и образовниот сектор и влијаеше на неговиот понатамошен развој. Пред сè, го забрза преминот кон онлајн наставата, не само кај нас, туку и во многу други училишта вклучени во овој сегмент.
Нè прави среќни фактот дека, после сè, бевме исконтактирани од страна на голем број на задоволни родители, кои што сега ја поддржуваат онлајн наставата, и покрај претходните сомнежи и отворени противења. Се разбира,  и понатаму има поддржувачи на традиционалниот начин на работење од училница. Меѓутоа, онлајн курсевите имаат и свои предности, земајќи во предвид дека, децата не мораат да излегуваат од својот дом, а сепак можат да користат онлајн алатки за учење преку своите компјутери. Сето ова, во комбинација со квалитетна настава, допринесе до тоа, онлајн курсевите да бидат прифатени одлично  кај учениците, а задоволни беа и нивните родители. Затоа мислам дека, наставата „на далечина“ ќе продолжи да се користи и во наредниот период како опција, па дури и откако пандемијата ќе заврши.

Кои беа предизвиците со кои се соочувавте?

Со избивањето на кризата пролетта 2020 година, бевме принудени да преземеме одредени мерки што е можно побрзо и во потполност да ги реорганизираме активностите во училиштето. По двонеделниот прекин на работењето, решивме наставата целосно да ја префрлиме преку интернет платформа. Овој процес бараше многубројни промени во CRM системот, воведување нови онлајн алатки за учење, пронаоѓање на решенија за нивна беспрекорна примена, како и измени во распоредот на наставата. Покрај тоа, беа преземени и неколку дополнителни чекори, кои подоцна се испостави дека беа и неопходни, за да им овозможат на предавачите и корисниците на нашите курсеви, непречено функционирање во новите услови. Можеме слободно да кажеме дека, процесот на прилагодување беше успешен, со оглед на тоа што голем број од учениците сметаат дека онлајн курсевите се подеднакво добри, па дури и подобри од часовите што се одржуваат во класичната училница.

На кој начин се одвива работењето сега? Каква поддршка Coding Giants, како давател на франшиза, можеше да им ја обезбеди на своите франшизни партнери во овој период?

И покрај пандемијата, функционираме многу добро. Секако, ова се однесува на училиштата во наша сопственост, како и на сите франшизни единици. Забележуваме константен пораст на бројот на ученици, а некои од постоечките приматели на франшиза отворија дури и нови локации. И понатаму ни се јавуваат нови кандидати заинтересирани за франшизата, со очекување дека нивниот број ќе биде уште поголем по стабилизирање на ситуацијата во наредните месеци.

Секако, ги поддржувавме и сèуште ги поддржуваме примателите на франшизата. Па така, во рок од десет дена од избивањето на пандемијата, бевме во состојба на своите ученици да им понудиме комплетни услови за онлајн настава, наставните програми беа прилагодени на новиот начин на одржување на курсевите, се направи измена на CRM системот и алатките кои ќе се користат во текот на наставата. Исто така, нашите партнери во секој момент имаа можност да се обратат на нашиот тим кој беше задолжен за решавање на сите видови на технички проблеми. Покрај тоа, им беше дадена можност да понудат и дополнителни нови курсеви, кои што ги креиравме после преминот кон онлајн наставата, и така да реализираат дополнителен приход.

Какви се плановите за наредниот период?

Во овој момент Coding Giants мрежата во Полска се состои од 113 единици, и вклучува 59 училишта во наша сопственост и 54 училишта управувани од приматели на франшизата. Со сигурност знаеме дека, од месец септември ќе бидат отворени уште неколку нови локации. Секако, нашата цел е отварање нашите училишта за програмирање во секој поголем град во Полска. Присутни сме и во Шпанија, Словенија и Хрватска. Во наредните месеци ќе бидеме пред сè фокусирани на проширување во странство и барање на нови франшизни партнери, кои што би ја развивале мрежата на Coding Giants на нивните пазари. И покрај тоа, продолжуваме да ја шириме нашата мрежата на домашниот пазар во Полска.

Интервју: Доминика Пронарска, Franchising.pl
Подготви: Н.Богојевиќ, Franchising.rs


Радослав Кулеша, коосновач на училиштето за програмирање Coding Giants / „Во следните неколку месеци ќе бидеме фокусирани првенствено на проширувањето на странските пазари и потрагата по нови партнери за франшизата“.

погледнете ги текстовите

Без застој во образовниот сектор /19.03.2021

Франшизите од секторот за едукација на децата, продолжија да ги шират своите мрежи, дури и за време на пандемијата. Неколку системи веќе потпишаа франшизни договори и започнаа со деловна активност во земјите и од овој регион.

За нов почеток – училиште за програмирање /15.10.2020

Какви очекувања може да имаат претприемачите од регионов кои ќе ја изберат франшизата на полското училиште за програмирање Coding Giants? Приказната на Иза Порадовска од Полска може да биде интересен пример

Оnline наставата успешна /05.09.2020

Полскиот франшизен систем на училишта за програмирање, Coding Giants , има намера да отвори училишта во земјите од регионов. Што научија во време на пандемијата со коронавирусот и како тоа може да биде предност за идните приматели на франшиза?

Малите џинови програмери /31.07.2019

Вложувањето во образование е исплатливо, велат основачите на полското училиште за програмирање Coding Giants. Можност им се дава и на идните приматели на франшиза од овој регион.

најчитани

"Лесни раце" градат франшиза /17.12.2018

Андреј Томљеновиќ од Осиек веќе четири години самостојно се бавел со вградување на авто-фолии. Размислувајќи за проширување на својот бизнис, дошол до Car Foil Shop.

JUMBO расте на Балканот /20.07.2018

Џамбо, грчки синџир продавници за играчки, ја прошири мрежата за франшиза во регионот. Последната продавница беше отворена во Гњилане, Косово.

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

Сигурна поддршка во франшизното семејство /22.09.2021

Околностите ги натераа Војислав Пековиќ и Александра Милосављевиќ да отворат училиште за ментална аритметика „Малац генијалац“ во Скопје, наместо во Белград. Велат дека, потенцијал за отворање на нови училишта постои речиси во сите градови во Северна Македонија.

DepilConcept доаѓа во Србија /11.03.2019

Португалскиот бренд во областа на долготрајното отстранување на влакната DepilConcept ја отвора првата франшизна клиника во Белград. Примателот на мастер франшизата најавува ширење на мрежата и јакнење на брендот.

популарно во форумот