Royal Nanny: Кога довербата се претвора во систем

повеќе фотографии

1/3

Пронаоѓањето на личност на која ќе ѝ го доверите своето дете е една од најважните одлуки што ги носат родителите. Во време кога семејствата имаат сѐ помалку слободно време, а сѐ повеќе обврски, потребата од професионални услуги за грижа за деца станува сѐ поизразена. Сепак, родителите денес не бараат само некој што ќе го чува детето – тие бараат личност од доверба, партнер во растењето и потпора за семејството.

Зад брендот Royal Nanny стои искуство стекнато преку работа со семејства од висок профил ширум светот, вклучувајќи и семејства од листата на Forbes. Токму од тоа искуство произлезе идејата на домашниот пазар да се воведат повисоки стандарди во областа на професионалната грижа за деца.

Како што истакнува основачката на брендот Марија Стоиљковиќ, најголемиот предизвик за родителите не е да најдат личност која ќе го чува детето, туку личност на која можат да ѝ веруваат.

Родителите денес сѐ повеќе се свесни дека им е потребна помош, но истовремено се и сѐ попребирливи кога станува збор за квалитетот на таа помош. Исчезна срамот да се каже „ми треба помош“, но остана прашањето што го мачи речиси секој родител – кому можам да му го доверам највредното што го имам?

Токму затоа професионалната грижа за деца станува многу повеќе од услуга. Современите семејства бараат личности кои ќе ги разбираат потребите на детето, ќе ги почитуваат вредностите на семејството, ќе го следат развојот на детето и ќе обезбедат сигурност и континуитет. Со други зборови, тие не бараат само чувар, туку партнер во растењето.

Сепак, довербата не се создава само преку препорака. Таа се гради преку внимателна селекција на кандидати, проверка на карактерот, едукација и јасно дефинирани професионални стандарди. Токму врз овие принципи е развиен системот Royal Nanny.

За тоа зошто системот, едукацијата и стандардизацијата се клучни за квалитетот на услугата, како и за тоа како се родила идејата Royal Nanny да се развива преку франшизен модел, разговаравме со основачката на брендот Марија Стоиљковиќ.

Зошто е важен системот?

Многумина сметаат дека работата на дадилка се темели првенствено на добра волја и љубов кон децата. Зошто сепак е неопходен јасно дефиниран систем на работа?

Љубовта е предуслов, системот е гаранција. Во средина во која се вклучени многу луѓе – дадилка, гувернанта, возач, готвачка – нема место за импровизација. Кога не ви е денот, кога сте уморни или под притисок, важно е да останете на висината на задачата и да постапувате во најдобар интерес на детето и семејството. Тоа не се стекнува само со добра волја, туку и со обука, искуство и карактер.

Колку се важни процедурите, проверките на кандидатите, едукацијата и контролата на квалитетот за безбедноста на децата и задоволството на родителите?

Тие се пресудни. Секоја дадилка од Royal Nanny Академијата поминува низ психолошка проценка, стручна обука и практични сценарија кои го тестираат нејзиното реагирање во предизвикувачки ситуации. Родителот не треба да се прашува што ќе направи дадилката ако се случи нешто – треба да знае. А тоа знаење доаѓа од системот, а не од надежта.

Што би можело да тргне наопаку кога таков систем не постои?

Се губи континуитетот. Детето е збунето, семејството е под стрес, а во краен случај може да биде загрозена и безбедноста. Дадилките често се сврзното ткиво на домот. Ако се вистински столбови на поддршка, домот функционира како швајцарски часовник. Ако не се, проблемите многу брзо се пренесуваат на целото семејство.

Како обезбедувате родителите во различни градови да добијат исто ниво на услуга и квалитет?

Преку франшизен систем кој стандардизира сѐ – од начинот на селекција на кандидати до комуникацијата со семејствата и следењето на квалитетот на услугата. Не е доволно да се пренесе само името на брендот. Потребно е да се пренесат културата, вредностите и начинот на работа. Затоа обуката на франшизните партнери е подеднакво важна како и обуката на самите дадилки.

Франшизниот концепт

Како се роди идејата Royal Nanny да го развивате преку франшизен модел?

Кога увидов дека истиот проблем постои насекаде. Родителите насекаде го бараат истото – сигурна, образована и дискретна личност на која можат да ѝ веруваат. Кога сфатив дека имаме методологија која дава резултати и која може успешно да се пренесува, стана јасно дека франшизата е следниот логичен чекор во развојот на брендот.

Кои елементи од работењето мораа да бидат стандардизирани за концептот успешно да се пренесе во други градови?

Селекцијата на кандидатите, обуката преку академијата, начинот на комуникација со семејствата и системот за следење на квалитетот. Но пред сѐ – вредносната рамка. Процедурата можете да ја копирате, културата не можете. Затоа толку многу инвестираме во луѓето кои сакаат да го развиваат Royal Nanny во своите локални заедници.

Каков профил на кандидати барате меѓу идните франшизни партнери?

Пред сѐ интегритет. Потоа разбирање дека ова е работа со луѓе, а не со производи. Потребна е способност за градење доверба во локалната заедница, но и трпение. Ова не е бизнис со брз поврат на инвестицијата. Ова е работа што се гради со години, но кога еднаш ќе се изгради, трае со децении.

Што би му порачале на некого што размислува да влезе во оваа дејност?

Ако го правите ова исклучиво поради пари, веројатно нема да издржите. Ако го правите затоа што верувате дека секое семејство заслужува личност од доверба, ќе биде предизвикувачки, но нема да биде залудно. Ова е работа што бара одговорност, посветеност и карактер. Но токму затоа носи и големо професионално и лично задоволство.

Ако со една реченица треба да објасните зошто постои Royal Nanny, што би рекле?

Постои затоа што секое дете заслужува личност која ќе биде тука не само со телото, туку и со духот, карактерот и љубовта, и затоа што секое семејство заслужува да ја пронајде таквата личност без страв и без компромиси.

Што за вас претставува најголем успех – бројот на отворени локации или моментот кога родител ќе каже дека благодарение на вас пронашол личност на која без страв може да му го довери своето дете?

Нема дилема. Бројот на локации е мерка за растот. Но моментот кога родителот ќе каже: „Таа е како член на нашето семејство. Децата ја обожаваат. Не знам што би правеле без неа.“ – тоа е причината поради која почнав. И тоа е причината поради која продолжувам.