Ден за запознавање
Ден за запознавање / Не постојат одредени правила кои важат за Денот за запознавање – давателот на франшиза самимот ги креира и осмислува.
Вторник
02.04.2019
Discovery Day ( Ден за запознавање) е вообичаерн термин, но и „обичај“ во многу земји во кои франшизната форма на водење бизнис е многу развиена. Наједноставно, Discovery Day е ден во кој, како заинтересиран кандидат за купување франшиза, за прв пат, „во живо“ се запознавате со франшизниот систем. И обратно!
 

Франшизингот најчесто не е уреден со закон, односно во најголемиот број од земјите не постои закон со кој би се уредил франшизингот како однос, туку взаемниот однос  помеѓу давателот и примателот на франшизата се регулира со договор. Таков е случајот и кај нас, но и во целиот регион. Меѓутоа, дури и во тој случај, а особено во случајот на земјите каде постои законска регулатива, постои едно многу важно правило: преддоговорно известување.

Наједноставно речено, многу е важно да се осмисли системот со кој потенцијалниот примател на франжизата (кандидатот) ќе добие прецизни, точни, а пред се објективни информации за  франшизниот систем за кој е заинтересиран. Како и да е уредена оваа материја, со закон или договор,  таа е толку важна што заради потребата што подобро да се уреди настанал и „discovery day“ или  „discovery days“- „ден (денови) за запознавање“.

Ден за запознавање (почесто тоа е само еден ден, па ќе зборуваме во еднина), како што и самото име кажува е ден во кој директно, лице в лице, се среќаваат и „запознаваат“ кандидатот (потенцијален примател на франшиза) и франшизниот систем, односно давателот на франшиза. Со тоа, кандидатот од прва рака може да „изврши инспекција“ и да погледне во самиот систем: како изгледа централата (или продажното место, центарот за поддршка), кои се луѓето кои го преставуваат, каков впечаток остава и сл. Секако, тоа е и можност многу прашања да се постават директно, а одговорите да се добијат лично од преставникот на системот.

Од друга страна, Денот за запознавање е важен и за давателот на франшиза. Тоа  е можност за директно запознавање со оној кој е заинтересиран да работи под негово име. Дополнително, Discovery Day често е и првиот  тест  за кандидатот. Имено, само упорните кандидати ќе бидат подготвени  да учествуваат, бидејќи и самото доаѓање подразбира издвоено време и одредени трошоци, пред се патните, но и сите други трошоци кои одат со тоа...

Нема одредени правила кои важат за Денот за запознавање. Давателот на франшизата самиот ги креира и осмислува. Самиот одлучува дали на кандидатите ќе им ја покаже централата или продажно – услужното место, или пак и двете, а понекогаш и повеќе продажно - услужни места.  Денот за запознавање може да биде осмислен како презентација или едноставно  како разговор на кандидатите со давателот на франизата. На крајот, самиот начин на кој Денот за запознавање е организиран ќе биде еден од показателите за односот на системот кон кандидатите, односно на идните приматели на франшиза.

Од друга страна, кандидатите од овој ден не треба да очекуваат чуда. Како и во реалниот живот, не е необично системот да се подготви за овој вид на запознавање.  Самото тоа што на системот му е важен начинот на кој ќе се престави, едновремено е и маана. Подготовките за оваа пригода ќе ја намалат можноста самиот систем да го видите онаков каков навистина е. Затоа оваа можност треба да се сфати помалку како „инспекција“, а повеќе како можност  создадената слика за системот да се тестира преку директниот контакт.


Игор Богојевиќ
Партнер

погледнете ги текстовите

Двете лица на франшизингот /17.01.2020

Кога купуваат франшиза, претприемачите сметаат дека самостојноста ќе ја заменат со полесно и поуспешно отпочнување и водење на бизнисот. Кои се добрите, а кои помалку привлечните страни на овој модел на работење?

Европски етички кодекс за франшизи /26.10.2018

Овој Европски етички кодекс е надградена верзија на Кодексот на Европската франшизна федерација (ЕФФ), кој e усвоен во 1972 година, а неговата последна измена е во 2016 година, изменета првпат по 2003 година, откога датира неговата претходна верзија.

Франшизен пакет /17.07.2018

Франшизен пакет е основата на франшизниот систем, бидејќи го содржи комлетниот бизнис пакет кој го нуди сопственикот на франшизата.

Дефиниција на франшизинг /17.07.2018

Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

најчитани

JUMBO расте на Балканот /20.07.2018

Џамбо, грчки синџир продавници за играчки, ја прошири мрежата за франшиза во регионот. Последната продавница беше отворена во Гњилане, Косово.

Брзото читање ја „освои“ и Македонија! /14.01.2020

Франшизниот систем „Училиште за брзо читање и мудро учење“ пристигнува и во нашата земја. Потпишан е договор за мастер франшиза.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Тимот како движечка сила /25.06.2019

Размислувате за ширење на вашиот бизнис преку франшизинг? Се прашувате што е потребно за да се создаде стабилен франшизен систем?

Храна и козметика од канабис - индустрија која "цути" /05.12.2019

Cbweed е италијански произведувач и дистрибутер на производи на база на коноп, кој своето производство го шири преку франшиза и е заинтересиран продажната мрежа да ја развива низ Европа.

популарно во форумот