5 митови за франшизингот - да не направиме грешка во чекори...

Среда
11.03.2020
Има повеќе погрешни претпоставки за франшизингот, па не е ни чудно што луѓето кои размислуваат за купување франшиза, често ја менуваат одлуката. Ова се некои од најчестите заблуди...
 

Мит 1 – Примателот на франшизата е сопственик на брендот

Кога станува збор за франшиза, ова е веројатно најчестиот мит. Нема да згрешиме ако кажеме дека оваа заблуда е резултат на незнаење. Всушност, малкумина го разбираат моделот според кој функционира франшизната соработка, односно што значи давател, а што примател на франшиза.

Да потсетиме, франшизата е форма на соработка помеѓу независните претприемачи/компании – давателот и примателот на франшиза. Давателот, со определен надомест, го нуди својот деловен концепт, know-how и брендот, на други независни претприемачи кои со тоа стануваат приматели на франшиза. Така, примателите стекнуваат право да работат под брендот на давателот и да ги користат и применуваат неговиот know-how и потврдените постапки за работење.

Договорот за франшиза, кој го потпишуваат давателот и примателот, содржи одредби и услови за продажбата и купувањето на франшизата. Условите за соработка помеѓу двете прави лица, нивните обврски и права може да се разликуваат во одделни случаи. Некои даватели се пофлексибилни и одобруваат отстапки за примателите од вообичаената практика, со можност да внесат нешто ново во системот на работа. Како и да е, примателот на франшиза никогаш не станува сопственик на брендот.

Со купувањето на франшиза, примателот само стекнува право на користење на брендот, деловниот модел и елемети на визуелен идентитет. Тоа право често е и географски ограничено. Имено, примателот на франшизата има право да работи со одредениот бренд единствено на подрачјето кое однапред е утврдено во договорот со давателот на франшизата.

Мит 2 – Давателот го води бизнисот на примателот на франшизата

Иако примателот на франшизата не е сопственик на брендот, тој сепак е сопственик на својот бизнис, што значи дека е одговорен за резултатите од своето работење. Давателот на франшизата, според договорот, има право да ја контролира и надгледува работата на примателот на франшизата за да биде сигурен дека утврдените процедури и стандарди за работење доследно се применуваат во сите франшизни подружници. Тој сепак не е вклучен во секојдневното работење и управување со франшизните подружници. 

Давателот, пак,  има обврска да ги оспособи и да им ги пренесе сите знаења на примателите и нивните вработени и е одговорен за постојана, советодавна и оперативна поддршка на примателите на франшизата. Сепак треба да се знае дека се работи за помошни активности и дека тоа не значи дека давателот го поседува или го води бизнисот на примателот на франшизата.

Затоа треба да се знае и следното: успешноста на бизнисот не зависи само од внимателно избраниот бренд или доследно применетите деловни процедури, туку најмногу од посветеноста и вештината на примателот на франшизата.

Мит 3 – Поисплатлива е франшиза со „звучно име“

Кога се споменува франшизинг, повеќето луѓе прво помислуваат на McDonald's, Pizza Hut, Burger King или Subway. Бидејќи франшизингот обично се поврзува со големите глобални компании кои имаат илјадници подружници низ светот, се прави и одредена перцепција дека изборот на познато и препознатливо име е важно, па можеби и клучно за успех на бизнисот.

Секако дека препознатливото име и големата база на потенцијални купувачи или корисници кои веќе се запознаени со брендот играат важна улога при изборот на франшиза. Сепак, не може со сигурност да се каже дека тоа носи загарантиран успех. Трошоците за позната франшиза по правило се многу големи. Исто така не треба да се заборави и дека таквите франшизни системи речиси и да немаат можност да го менуваат или приспособуваат деловниот модел  кој би влијаел на зголемувањето на профитот.

На крајот, сите големи брендови некогаш биле и помали и помалку познати. Гледано од страна, фактот што франшизниот бренд во моментов не е познат во светот, не значи и дека не може да постигне успех. Во секој случај,  најважно е дека станува збор за потврден и профитабилен бизнис, а давателот на франшиза би требало на својот потенцијален примател да му ги даде на увид финансиските резултати барем за последните две години од работењето.

Мит 4 – Франшизата е скапа

Митот дека сите франшизи се многу скапи доаѓа токму од верувањето дека треба да се земаат исклучиво светски познати брендови. Всушност, опсегот на цени за франшиза е широк. Можеби е и претерано да се каже дека секој може да купи франшиза, но факт е и дека на пазарот постојат системи кои ниту се скапи, ниту бараат многу, кога се работи за надомест и со самото тоа секој може да најде франшиза според средствата со кои располага.

Сепак, кога се прави проценка за вложувањето во франшизата, потенцијалните приматели би требало да сметаат не само на средствата потребни за надомест и за отворање на франшизната единица, туку и на вложувањата за суровини, рента, комуналии, плати и секојдневни трошоци за работењето.

Мит 5 – Само искусните претприемачи можат да бидат приматели на франшиза

Лицата кои размислуваат за купување франшиза најверојатно ќе се соочат со митот дека мораат да имаат деловно искуство или искуство во претприемништво, доколку сакаат да се кандидираат за примател на некоја франшиза. Меѓутоа, предноста на франшизната соработка е токму во тоа што е соодветна и за оние кои зачекоруваат во претприемништво. На крајот на краиштата, обуката и поддршката за давателите на франшиза се задолжителни елементи на соработка, така што дури и понеискусните кандидати можат да станат исклучителни приматели - претприемачи кои работат добро и добро заработуваат.

Се разбира, има и франшизи за кои е потребно посебно работно искуство, вештина или знаење. Меѓутоа, ваквите барања, по правило, се видливо истакнати во франшизната понуда и описот на системот.  Меѓу најчестите и најважните критериуми за избор на франшизен партнер главно се посочуваат мотивираноста, подготвеноста за работа, посветеноста кон брендот и, се разбира, финансиската солвентност (платежната способност).

 

Франшизен консултант, PROFIT System

погледнете ги текстовите

Сигурна поддршка во франшизното семејство /07.08.2020

Сплет на околности ги навел Воислав Пековиќ и Александра Милосавлевиќ да наместо во Белград, отворат училиште за ментална аритметика „Malac genijalac“ / „Малиот генијалец“ - во Скопје. Сега велат дека постои потенцијал за отворање на нови училишта во скоро сите градови во Македонија.

Секторот на убавина во време на пандемија: неколку искуства /29.04.2020

Епидемијата од коронавирусот влијае и на бизнисот поврзан со нега и убавина. Како се справуваат франшизните системи во оваа, новонастаната состојба? Пренесуваме искуства од Полска.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

Нови млади претприемачи во Скопје: кои се тие и зошто избрале франшиза за образование за деца? /21.02.2020

Покрај примателите на мастер франшиза, на „Училиште за брзо читање и мудро учење“ се придружија и два одделни приматели на франшиза во Македонија!

Нови пералници на франшизната мапа - едноставно и профитабилно /17.02.2020

Мрежата на пералници за облека LG Laundry Lounge се шири во Хрватска. Оваа франшизна единица отворена е во Кастав, во близината на Ријека.

најчитани

Дали сте за суши? /07.11.2019

Sushi by A's, франшизен концепт кој се заснова на подготовка и продажба на суши во рамките на трговски ланци, ја прошири мрежата во Хрватска и Словенија и најавува влез на нови пазари.

LG Салон за перење /19.03.2019

Во ритамот на животните промени – помалку време, помал животен простор и големи сметки за струја, не е за изненадување кога новите бизнис концепти се издигнуваат, искористувајќи ја ваквата ситуација како поволна прилика која води кон основање нов бренд - сервис за перење.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Од хокеј до Сабвеј /05.03.2019

На почетокот бевме и загрижени – како ќе започнеме бизнис со кој никогаш не сме се занимавале! Меѓутоа сфативме дека купувањето на Subway франшизата значи дека ќе имаме постојана помош и поддршка – вели Петер Фрухауф, познат словачки хокеар.

популарно во форумот