Саемот во Варшава- според планираното!

Време е за саем / Осумнаесеттото издание на Саемот за франшизи во Варшава ќе се одржи од 15 до 17 октомври во Палатата за култура и наука
Четврток
03.09.2020
Саемите и конференциите се враќаат! Најголемиот саем на франшизи во средна и источна Европа ќе се одржи како што е и планирано, од 15 до 17 октомври 2020 во Варшава.
 

Со ублажувањето на епидемиолошките мерки и нормализација на бизнисот, се создаде и можност за одржување на саеми. Со тоа, Владата на Полска кон крајот на мај донесе уредба според која од 6 јуни се дозволува организирање на саеми, големи изложби и конференции. Ова, како што пренесува порталот Franchising.pl, е добра вест и за пазарот за франшиза, бидејќи подготовките за најважниот франшизен настан во средна Европа се во тек. Се работи за осумнаесеттото издание на Саемот за франшизи во Варшава, кој според  сегашните планирања, ќе се одржи од 15 до 17 октомври во Палатата на културата и науката.

Во трите саемски денови, во главниот град на Полска неколку илјади сегашни и идни претприемачи ќе можат да се запознаат со понудите, да ги споредат различните концепти и мислења за земање на некоја од преставените франшизи. Ова ќе биде можност непосредно да се сретнат и запознаат „двете страни“ на франшизниот бизнис: давателите на франшизата и идните приматели на франшиза.

Пронајдете бизнис по своја мерка

И покрај непредвидените и тешки услови кои го одбележаа почетокот на оваа година, повеќе од 50 изложувачи со речиси 70 брендови веќе го потврдиле своето учество. Откако е укината, пак, забраната за големи собирања во затворен простор , бројот на заинтересирани секојдневно расте. Органiзаторите велат дека првите штандови се резервирани уште на минатогодишниот саем.

Гастрономијата, традиционално, е една од најзастапените индустрии. Годинава на Саемот ќе се престават десетина гастрономски брендови. Меѓу нив се и светските McDonald's, Pizza Hut, Subway, но и локалните концепти Bafra Kebab, Biesiadowo, Lodolandia, New York Pizza Department, Kurcze Pieczone, Sushi Royal, Sushi Wok, Western Chicken и Western Tortilla.

Меѓу  трговските франшизи ќе се најдат брендовите Auchan, Biedronka, Carrefour, Żabka, Sorvella, 5-10-15, Vistula, Wólczanka, W. Kruk, Intermarche, Bricomarche.

На Саемот ќе се престават и концепти од секторот финансии, недвижнини и едукација (PKO BP, Nest Bank, Santander, Metrohouse, Edukido).

Искуство и знаење за подобро работење

Во рамките на саемот, секој година се одржува и Форум за франшизинг. Ова е место каде идните приматели на франшиза можат да се сретнат со искусни претприемачи, деловни луѓе и сопственици на успешни франшизни бизниси – даватели на франшиза. Годинава за прв пат за своите искуства ќе говорат и примателите на франшиза. Користејќи го своето искуство ќе објаснат како се води сопствен бизнис под туѓ бренд, каква е соработката со давателите на франшиза, каква поддршка можат да добијат итн. – Ова е одлична можност идните приматели  и претприемачи непосредно да слушнат што предвидува и како секојдневно се одвива работењето, да постават прашања и потоа, можеби, да донесат и одлука  за купување франшиза- вели Михаил Вишњевски, еден од основачите на Меѓународната консултантска компанија за франшизинг PROFIT system.

Специјален гостин на Форумот ќе биде и познатиот полски новинар и предавач Маќеј Орлош (Maciej Orłoś) кој ќе говори за водењето на неговиот YouTube канал – Пред две години, кога се простив од телевизијата, се запрашав што натаму – вели Орлош. – Се одлучив да започнам сопствен бизнис. Знаев дека нема да отворам фабрика за чоколади, ниту фабрика за клинци, туку тоа што го знам, чувствувам, сакам. Околу тоа ќе се движи моето предавање  и ќе биде основната порака до учесниците на престојниот Форум – вели тој.

Потпрете се на франшизата

Франшизингот и натаму е еден од најсигурните форми за деловна соработка. Моментно во Полска работаат околу 1300 франшизни брендови. Од нив 80% припаѓаат на полски компании, а 20% се странски. На овој пазар работаат и 83.000 приматели на франшиза (мали и микро компании кои работат со лиценца/франшиза), кои најчесто се семејни бизниси. Во секторот франшиза работат речиси еден милион луѓе (сопственици на бизниси и вработени).

-Франшизингот има важна улога во зајакнувањето на економијата бидејќи овој модел навистина има ефект. Принципот на работење под закрилата на познат бренд го примениле и претприемачите-почетници, но и луѓето со искуство кои сакаат да го диверзифицираат (прошират) своето инвестициско портфолио – забележува Моника Домбровска (Dąbrowska) која е претседател на Полската организација за франшиза и директор на McDonald's во Полска.

Организатор на Саемот за франшизи во Варшава  е компанијата PROFIT system, најголема консултантска куќа во областа на франшизингот во средна и источна Европа, издавач на неколку списанија за франшизи и 16 портали, меѓу кои и Franchising.mk .


За секого по нешто / Во трите саемски денови во главниот град на Полска неколку илјади сегашни и идни претприемачи ќе можат да се запознаат со понудите, да ги споредат различните концепти и да размислат за земање на некоја од преставените франшизи

погледнете ги текстовите

Вмрежување на Европа /23.04.2021

Полското училиште за програмирање за возрасни Coders Lab е отворено во две нови европски земји, а моментално се активни и нови дополнителни поволности за потенцијалните партнери од регионот.

Безбедно доставување на храна /12.04.2021

Минимален контакт со клиенти, редовна употреба на средства за дезинфекција, и постојана проверка на здравствената состојба на доставувачот - се главните принципи за сигурна достава на храната. Како еден франшизен систем ги применува сите овие принципи во пракса?

Доминација на големите системи /09.03.2021

Годинашната листа на порталот FranchiseDirect потврди дека, дури и за време на пандемијата, американските франшизи останаа најуспешни и најзастапени во светот. Повеќето од нив се системи од областа на гастрономијата.

Оnline наставата успешна /05.09.2020

Полскиот франшизен систем на училишта за програмирање, Coding Giants , има намера да отвори училишта во земјите од регионов. Што научија во време на пандемијата со коронавирусот и како тоа може да биде предност за идните приматели на франшиза?

Италија: бизнис искуства и решенија во време на COVID-19 /01.04.2020

Италија беше првата европска земја во која се појави новиот корона вирус. После неколку недели од епидемијата, ја анализираме економската состојба во Италија и мерките на Владата во Рим.

најчитани

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

"Лесни раце" градат франшиза /17.12.2018

Андреј Томљеновиќ од Осиек веќе четири години самостојно се бавел со вградување на авто-фолии. Размислувајќи за проширување на својот бизнис, дошол до Car Foil Shop.

Бескрајна приказна /19.07.2018

Митко Андонов ја развива франшизата Jumping Clay во Македонија. Во нашиот разговор тој ни открива каде го гледа најголемиот потенцијал и кои се неговите приоритети во бизнисот.

Секогаш на врвот /22.03.2019

Во последните 11 години, колку што FranchiseDirect ја објавува листата на 100 најуспешни франшизи во светот, само два бренда се менувале на самиот врв. Од оваа година еден е во блага предност.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

популарно во форумот