Добриот вкус на Steiku Haoss ресторан

повеќе фотографии

1/4

Семејната компанија за угостителството Cantus Group од Летонија работи од 1992 година. Нивното гастрономско портфолио  го опфаќа и синџирот ресторани  Steiku Haoss,  познат по врвниот специјалитет говедски шницли, но и по просторот уреден  со елементи на вестерн и американскиот запад. – Постојано внесуваме новитети и ги подобруваме своите концепти, настојуваме да бидеме над просекот, донесувајќи ги најдобрите според квалитет, дизајн и вкус – вели Давид Цима, регионален менаџер во синџирот Steiku Haoss.

Под овој бренд за сега работат три ресторани во Рига, главниот град на Летонија. Меѓутоа, Компанијата од лани е насочена и кон ширење надвор од границите, со што франшизата стана достапна и за земјите од регионов.

Бараме амбициозни и мотивирани претприемачи , приматели на франшиза, кои ќе го користат нашиот know-how  и искуство и ќе го водат и развиваат овој гастрономски концепт и на својот пазар – вели Цима.

Кандидатите за приматели на франшиза, додава Цима, би требало да имаат детална деловна стратегија и развоен план за пазарот (територијата) каде ќе работи Steiku Haoss. Соодветниот простор и добрата локација за ресторан, исто така имаат клучна улога при изборот на идниот партнер. Но, тоа не е се. – Од примателот на франшизата се очекува да има и некакво деловно искуство, пред се за маркетинг, финансии, управување со трошоци. Секако, доколку има таква можност, да биде и добар познавач на локалната култура и локалните гастрономски навики – објаснува Давид Цима.

Се препорачува расторанот да се наоѓа на атрактивна и фрекфентна локација, како трговски центри или пешачи и деловни зони. Оптималната големина на локалот е од 350 м2 до 550 м2, а идеално место е зграда која е на агол, со отворени простор и големи прозори – излози.

Во текот на овие 25 години постоење, Steiku Haoss го усовршуваше подготвувањето на извонредниот бифтек и денеска со гордост можеме да кажеме дека сме угледен ресторан со првокласна кујна и исклучителна услуга. Тоа секако ќе биде и првата предност за нашите идни приматели на франшиза – вели Цима.

Покрај тоа, партнерот може да смета и на поддршка од давателот на франшиза во сите развојни фази – од изнаоѓање на соодветна локација, изработка на проект и уредување на просторот, потоа обука и помош при изборот на работници до креирање на маркетиншката стратегија и отворање на ресторанот. Од друга страна, пак, за пренесувањето на know-how  и постојаната поддршка од давателот, примателот на франшизата месечно ќе издвојува франшизен надомест (6% од месечната продажба).

Вкупната инвестиција за отпочнување со франшизата Steiku Haoss изнесува околу 300 илјади евра. Компанијата нуди single-unit  франшиза (за отворање еден ресторан), но може да се земе и мастер франшиза (за повеќе ресторани  во поголема територија).

Автор

Наташа Богојевиќ

Уредник