Избери и започни со свој бизнис
Палатата на културата и науката во Варшава, традиционалното место на Саемот за франшиза, ќе биде отворена за посетители од 14-ти до 16-ти октомври. И оваа година сите заинтересирани за франшизно работење ќе имаат можност да видат што се нуди на пазарот и да добијат практични информации за секој од франшизните системи.
Најголемиот франшизен настан во регионот на Централна и Источна Европа расте од година во година. Се зголемува бројот на компании кои доаѓаат да ги претстават своите понуди за франшизи на потенцијалните партнери. Годинава се очекуваат повеќе од 200 изложувачи.
За посетителите кои планираат да купат франшиза, ова е всушност идеална можност да се сретнат и директно да разговараат со бројни даватели на франшизи кои бараат деловни партнери не само во Полска, туку и во други европски земји. Во текот на овие три дена посетителите можат под еден покрив, да ја споредат конкуренцијата, да направат десетици разговори и да дознаат детални информации за концептите, нивните планови, услови за соработка и очекувањата што ги имаат од идните партнери.
Разноврсност на понудата
Во рамките на саемот се организираат низа работилници и конференции за франшизинг. Со своите совети и искуства, експертите од оваа област можат да им помогнат на заинтересираните посетители - од тоа како да ја изберат вистинската бизнис идеја, па се до начинот да одредат и проверат што навистина нуди самиот давател на франшизата. Годинава специјален гостин на Форумот за франшиза ќе биде Маќеј Орлош, новинар и тренер, кој ќе зборува за своето деловно искуство и управувањето со каналот YouTube.
Брендовите претставени на саемот доаѓаат од различни индустрии. Меѓу нив се и образовните системи кои активно бараат партнери за франшиза во регионот - Edukido (работилници со LEGO коцки) и Coding Giants (програмерско училиште за деца). Сепак, оваа година, најмногу поради пандемијата, најголем дел од излагачите ќе бидат концепти со свој фокус на развој во Полска. Сепак, многу од нив нема да ја пропуштат можноста да ја „отворат вратата“ и да ги зголемат шансите за влез на други пазари доколку наидат на посакувани и интересни кандидати – потенцијални приматели на франшизи.
Организатор на Саемот за франшиза во Варшава е консултантската куќа за франшизинг PROFIT system и порталот Franchising.pl. Повеќе информации за 19-тото издание на саемот може да пронајдете тука.
Едукација без граници / На саемот ќе се претстават и системи кои бараат свои франшизни партнери во регионот – меѓу нив и Edukido и Coding Giants 
погледнете ги текстовите
Случајот на Edukido - што е неопходно за успех во едукативна франшиза?
/23.01.2020
„Практиката покажува дека колку повеќе примателите на франшиза се потпираат на нашето искуство и препораки, толку им се подобри резултатите во работењето“ вели Ана Јурак, менаџер во одделението за деловни корисници на едукативниот концепт Edukido.
Роберт Стопа вложил неколку илјади евра за да ја купи франшизата Едукидо. Инвестираното многу брзо го вратил и купил лиценца да развива бизнис во уште две дејности во Полска.
Полскиот едукативен концепт Едукидо планира ширење на франшизната мрежа надвор од границите на Полска. Покрај национална мастер франшиза се нуди и одделна франшиза.
најчитани
Дефиниција на франшизинг
/17.07.2018
Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.
Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.
Што подразбира „територијалната ексклузивност“ во франшизингот? Како функционира во пракса? Дали постојат ограничувања и зошто е значајна?
Бугарскиот бренд Brutale кој се карактеризира со елегантни машки костуми шиени по мерка, тргнува во експанзија во Европа. Приматели на франшиза бараат и меѓу претприемачите од овој Македонија.
Турскиот малопродажен синџир FLO планира четирикратно да го зголеми бројот на продавници со франшиза ширум светот до 2023 година. На мапата на франшизата се и земјите од овој регион.