По франшиза во Будимпешта

1/1

Во февруари 2018, по десет години мирување, во главниот град на Унгарија повторно беше одржан Саемот на франшизи, кој според соопштението на Унгарската франшизна асоцијација ги надмина сите очекувања.  Тогаш своите франшизни концепти ги преставија повеќе од 20 компании. Саемот го посетија повеќе стотини луѓе – потенцијални приматели на франшиза и инвеститори. Добриот одѕив воедно беше и награда и поттик за организаторот кој најави дека новата „берза на франшизата“ ќе се одржи и следната година.

Новото преставување закажано е за 7 февруари 2019 во хотелот Novotel Budapest Centrum. Посетителите кои се заинтересирани за купување франшиза ќе можат да изберат помеѓу неколку десетини унгарски, но и интернационални франшизи. Оние пак, кои сакаат да се запознаат со овој вид бизнис ќе имаат можност основите на франшизингот да ги совладаат низ семинари и конференции, но и преку непосредни консултации со стручните лица од оваа област.

Според податоците на организаторот на Саемот, Унгарската франшизна асоцијација, за посетителите кои на страницата на Асоцијацијата ќе се регистрираат до 4 февруари 2019 година влезот ќе биде бесплатен. Влезниците во продажба ќе чинат 1500 форинти (4,6 евра).

Автор

Наташа Богојевиќ

Уредник