Секогаш на врвот

И оваа година  најуспешни
И оваа година најуспешни / McDonald’s не е прв франшизен систем кој се појавил во светот, но секако најмногу влијаел на индустријата на франшизингот
Петок
22.03.2019
Во последните 11 години, колку што FranchiseDirect ја објавува листата на 100 најуспешни франшизи во светот, само два бренда се менувале на самиот врв. Од оваа година еден е во блага предност.
 

Како што е наведено во овогодинешниот извештај на порталот FranchiseDirect, во рангирањето за 2019 вклучен е најголем број на франшизни системи до сега. Како и во претходните 10 години се користела сложена формула која оваа година дополнително е модифицирана. Имено, од сега формулата во предвид ја зема продажбата наместо вкупниот приход, додека зголемувањето на бројот на подружниците се мери во процети. – Иако делува инпресивно кога системот како што е KFC ќе отвори стотина франшизни ресторани годишно, уште повпечатливо е кога тоа ќе го направи нов и помал систем како што е, да речеме синџирот на фитнес клубови F45 – се наведува во извешрајот на FranchiseDirect. Заради споредба,  KFC  во франшизингот е речиси 70 години и има повеќе од 21.000 локации низ светот, додека F15 франшизата ја понуди само пред пет години и моментно има помалку од 1000 подружници.

Колку и да се факторите, како раст на деловните единици, продажбата, годините на  бавење со франшиза, степенот на стаблност, растот на мрежата и меѓународната експанзија, клучни за рангирањето, во формулата влегуваат и критериуми кои ги надминуваат простите бројки – во предвид се зема и колку давателот на франшиза им помага на своите идни приматели, како и тоа колку вложуваат системите во развојот на локалната заедница преку добротворни програми и донации.

Куриозитет со кој се одбележа годинешното издание е фактот дека претходните 11 години колку што FranchiseDirect  ја објавува листата на 100 најуспешни франшизи во светот, само два бренда го заземале првото место - McDonald’s  и  Subway.  До 2018 и двата на врвот биле по пет пати. Од годинава McDonald’s има благо водство. Податок кој заслужува внимание, особено ако се знае дека и двата бренда дури и во најтешките години од своето работење не забележале значителен пад на листата. Не треба да се заборави дека се работи за големи и влијателни системи кои поттикнати од силната конкуренција и потребите на младите и поизбирливи потрошувачи, минале низ многу системски промени – процес на модернизација, воведување на нови технологии, промена на имиџот, подобрување на квалитетот на менито, услугите и начинот на комуникација со потрошувачите.

Како и претходните години, најголемиот број од франшизните системи потекнуваат од Соединетите Американски држави, а најзастапени се системите од областа на гастрономијата и угостителството, ги има дури 40 – однос на силите кој веќе е најавен и распоредот на првите десет најуспешни франшизи. Најдобро пласиран франшизен систем кој не е од САД  е британскиот InterContinental (12. место), следуваат системите од Франција   – Auchan (16), Casino (19), Carrefour (20), Europcar (26); од Канада – H&R Block (32), Tim Hortons (33) и Yogen Fruz (94); од Јапонија – Kumon (21); Шведска – Husse (43); Шпанија – Dia (44), Lizzarran (61); Филипини – Jollibee (41); Јужна Кореа– Paris Baquette (75) и Eye Level Learning Center (75).  

Десетте најуспешни во 2019

  1. McDonald’s (ресторан за брза услуга, бургери)
  2. Burger King (ресторан за брза услуга, бургери)
  3. Pizza Hut (ресторан за брза услуга, пица)
  4. Marriott International (хотелиерство)
  5. KFC (ресторан за брза услуга, пилешко)
  6. Dunkin’ Donuts (ресторан за брза услуга, кафе, крофни, бургери)
  7. 7-Eleven (ланец на супермаркети)
  8. Subway (ресторан за брза услуга, сендвичи)
  9. Domino’s (ресторан за брза услуга, пица)
  10. Baskin-Robbins (сладолед)

Целата листа ТОП 100 Global Franchises можете да ја најдете ТУКА

 


погледнете ги текстовите

Оnline наставата успешна /05.09.2020

Полскиот франшизен систем на училишта за програмирање, Coding Giants , има намера да отвори училишта во земјите од регионов. Што научија во време на пандемијата со коронавирусот и како тоа може да биде предност за идните приматели на франшиза?

Саемот во Варшава- според планираното! /03.09.2020

Саемите и конференциите се враќаат! Најголемиот саем на франшизи во средна и источна Европа ќе се одржи како што е и планирано, од 15 до 17 октомври 2020 во Варшава.

Италија: бизнис искуства и решенија во време на COVID-19 /01.04.2020

Италија беше првата европска земја во која се појави новиот корона вирус. После неколку недели од епидемијата, ја анализираме економската состојба во Италија и мерките на Владата во Рим.

Едукацијата се сели „онлајн“ /25.03.2020

Полскиот франшизен синџир на училишта за англиски јазик Early Stage не запре со работата и покрај затворањето на училиштата. Часовите ги одржуваат online. Дали и примателите на франшиза го користат ова решение?

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

најчитани

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Од крофнички до франшиза /27.10.2020

Приказната за „Јети фритули“ од Макарска е добар пример како од мал семеен бизнис може да се направи франшиза. Како се градел овој концепт, што е потребно за профитабилно работење и кои би биле посакувани приматели на франшизата?

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Што кога во Грција ќе кажеме еспресо? /14.12.2018

Кафето е кафе, но сепак, не е секогаш и секаде исто. Што претставува брендот MIKEL во Грција и зошто денес се смета за “чудо на угостителството”?

Двете лица на франшизингот /17.01.2020

Кога купуваат франшиза, претприемачите сметаат дека самостојноста ќе ја заменат со полесно и поуспешно отпочнување и водење на бизнисот. Кои се добрите, а кои помалку привлечните страни на овој модел на работење?

популарно во форумот