Преку франшиза во светот на гејмингот

Еспортс арена Friendly Fire / Место кое нуди одлична атмосфера, многу дружење, забава и натпревар
Четврток
08.04.2021
Да се води „Еспортс арена“ може да биде добра деловна можност, особено ако се купува франшиза од докажан концепт. Што нуди системот Friendly Fire и кои се условите кои што треба да ги исполнат потенцијалните приматели на оваа франшиза, ни открива сопственикот на овој концепт, Давид Косир.
 

Кога и самиот започнал сериозно да размислува за отворање на Еспортс арена, Дејвид Косир, сопственикот на концептот Friendly Fire, се потпрел на „доброто чувство“ кое што произлегувало од неговото лично искуство од минатото. Во својата младост, вели тој, како и многу други од неговата генерација, посетувал компјутерски игротеки и уживал во одличната атмосфера и незаборавните часови играње со своите пријатели. Идејата за сопствена Еспортс арена сепак, созревала со текот на годините, така што првата локација била отворена во 2017 година во Загреб, во рамките на трговскиот центар Авенија Мол. Денеска, под Friendly Fire брендот функционираат осум Еспортс арени. – Две се во фаза на изградба и наскоро ќе бидат отворени, а за уште неколку сме во финална фаза на преговори - вели Дејвид Косир.

Интересно е тоа што, проширувањето на ланецот на арени пред неколку години, беше поттикнато и со давање на франшизата. Сега, вели Косир, тие се отворени за соработка со претприемачи од цела Европа. Важно е сепак, идните приматели на франшизата да бидат заинтересирани за развој на бизнисот и светот на гејмингот - индустрија која од година во година станува сè попопуларна и бележи постојан раст.

Кога и зошто се решивте да понудите франшиза за вашите Еспортс арени?

Иако франшиза на концептот отсекогаш била крајна цел, на почетокот не се оптеретувавме со тоа, бидејќи арените кои што сами ги водевме беа доста профитабилни. Мислевме дека франшизата е нешто што не чека за 10 години.

Како и да е, во 2018 година започнавме со тестирање на франшизно работење во Босна и Херцеговина. Таа приказна се покажа како успешна. Минатата година понудивме франшизи на меѓународниот пазар. Јас би рекол дека, главната причина за нашето насочување кон франшизата е тоа што сфативме дека секоја од нашите локации е многу попрофитабилна кога ја води примател на франшиза, во однос на самостојното работење. Примателот е всушност, вклучен во секојдневни активности многу подлабоко и попродуктивно отколку што бевме ние, со оглед на нашиот ангажман поврзан со водење на повеќе арени во различни  држави.

За кои пазари - земји, градови - сте заинтересирани?

Friendly Fire е специфичен бидејќи, за разлика од некои други франшизи, работи подеднакво добро, како во мали, така и големи средини. Имаме примери за успешна франшиза во градови со неколку милиони жители, па се до места со по неколку илјади жители. Ние исто така, успешно работиме во економски развиени и неразвиени средини. Нашиот сегашен фокус е секако насочен кон Европа.

Кои би биле идеалните приматели на оваа франшиза? Кои услови треба да ги исполнат?

Идеалниот примател на франшизата е личност која има искуство во претприемништво и го познава светот на гејмингот. Се разбира, мора да има затворена финансиска конструкција за изградба на објектот. Ние претпочитаме луѓе кои се целосно подготвени да се посветат себе си на секојдневно водење на сопствена Еспорт арена. Секако, на почетокот повеќе се залагаме заsingle unit“ приматели на франшиза. Ја имаме таа среќа нашата франшиза да биде доста популарна и со повеќе или помалку непостоечка конкуренцијата, со можност за избор на потенцијалните кандидати за кои сме сигурни дека ќе бидат успешни.

Каков know-how и поддршка добива примателот на франшизата?

Friendly Fire се истакнува со поддршката која што им ја дава на своите приматели на франшизата во сите сегменти - од изградбата, преку управувањето, маркетингот, па се до ИТ. Имаме тим кој што им е достапен на примателите на франшизата во секое време. Главната предност на франшизата Friendly Fire е нашиот софтвер кој ги автоматизира сите процеси во Еспортс арената и заштедува многу време и пари на нашите приматели. Наплата, анализа, извештаи, каса, управување со клиентите, родителска заштита, ГДПР компатибилност, мобилна апликација, десктоп апликација, управување со сервер, мрежна конфигурација, Еспорт лиги и турнири, систем на награди и лојалност - се само некои од карактеристиките на нашиот софтвер.

Како е организирана обуката за примателите на франшизата?

Обуката на нов партнер за франшиза е темелна и опфаќа три фази. Во првата фаза, примателот доаѓа во нашиот тренинг центар во Загреб и во текот на три недели учи сè за Friendly Fire, преку практични примери, во најблиската арена. Втората фаза се одвива во неговата франшизна единица пред отворањето, каде што сме присутни две недели пред самото отворањето, притоа водејќи го низ самиот процес на отворање, како би се одвивало сè во најдобар ред. Третата фаза трае до три месеци по отворањето, при што сме често присутни и му помагаме на нашиот примател на франшиза да воспостави стабилно секојдневно работење.

Од каде ја набавува примателот опремата и производите за арената?

Опремата се набавува од нас, а поради нашите договори со добавувачите, цената е значително пониска од истата опрема на пазарот. Исто така, постои можност за изнајмување опремата, што значително ги намалува потребите од финансиски средства. Што се однесува до производите кои што се продаваат во арената - како на пример сокови и закуски, примателот има слобода да ги набави по сопствен избор.

Кои локации се идеални за ваков тип на концепт? Какви се препораките?

Friendly Fire не бара prime локација затоа што корисниците доаѓаат таму плански. Со други зборови, успешноста на франшизата не зависи од тоа дали е на скапа и истакната локација. Препорачуваме простори кои имаат површина од најмалку 120 м2, а искуството покажа дека локациите со густо население и млада популација се најдобри.

Колку примателот треба да инвестира во започнувањето на бизнисот? Кои финансиски обврски би ги имал кон давателот на франшизата?

Инвестицијата, се разбира, зависи од земјата, односно од пазарот на кој би се отворила франшизата. Во земјите од Балканот, би биле доволни околу 60.000 евра доколку примателот на франшизата ја изнајмува опремата од Friendly Fire, односно околу 120.000 евра, доколку примателот самостојно ја купи потребната опрема. Примателот го плаќа почетниот надомест за франшизата при потпишувањето на договорот, а по започнување на работењето, тој би бил обврзан да плаќа одреден процент од прометот како франшизен надоместок.

За крај, што би им порачале на потенцијалните приматели на франшизата - зошто е ова перспективна деловна можност и зошто би требало да ја земат франшизата Friendly Fire?

Во време на неизвесност, можеме да бидеме сигурни дека гејминг индустријата и во иднина ќе расте. Инвестирање во Friendly Fire франшизата е инвестиција во докажан концепт со силна поддршка, голема побарувачка од крајниот корисник и мала или никаква конкуренција на пазарот.


Шанса за претприемачи / Идеалниот примател на франшизата Friendly Fire е особа која што има искуство како претприемач и го познава светот на гејмингот. Освен добрата финансиска солвентност, примателот треба да биде целосно посветен во секојдневното водење на сопствената „Еспортс арена“.

погледнете ги текстовите

Нови пералници на франшизната мапа - едноставно и профитабилно /17.02.2020

Мрежата на пералници за облека LG Laundry Lounge се шири во Хрватска. Оваа франшизна единица отворена е во Кастав, во близината на Ријека.

Создавање на нови искуства - оваа франшиза од регионот така го освојува светот! /02.12.2019

Carwiz е rent-a-car франшизa од Хрватска која продолжува со ширењето на мрежата на неколку континенти. Ни откриваат како го создале франшизниот систем и што е потребно за освојување на светските пазари.

Мобилна апликација која ќе ви донесе профит /21.11.2019

ProfitApp International е сопственик на истоимената апликација во чија основа е програмата за лојалност, која ги поврзува компаниите од различни гранки со купувачите. Ова е прва црногорска франшиза која бележи експанзија во регионот.

Успехот не е илузија /22.05.2019

Иако приватните музеи на Балканот се вистинска реткост, „Музејот на илузии“ отворен пред три години во Загреб веднаш стана хит.

Идеа за работа во заштитата на телефонот /27.04.2019

Американската франшиза Mobile Outfitters, специјализирана за услуги за заштита и стилизирање на мобилните телефони со квалитетна фолија, веќе неколку години работи во Хрватска и Србија. Бараат приматели за франшизата и во Македонија.

најчитани

JUMBO расте на Балканот /20.07.2018

Џамбо, грчки синџир продавници за играчки, ја прошири мрежата за франшиза во регионот. Последната продавница беше отворена во Гњилане, Косово.

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

Сигурна поддршка во франшизното семејство /22.09.2021

Околностите ги натераа Војислав Пековиќ и Александра Милосављевиќ да отворат училиште за ментална аритметика „Малац генијалац“ во Скопје, наместо во Белград. Велат дека, потенцијал за отворање на нови училишта постои речиси во сите градови во Северна Македонија.

DepilConcept доаѓа во Србија /11.03.2019

Португалскиот бренд во областа на долготрајното отстранување на влакната DepilConcept ја отвора првата франшизна клиника во Белград. Примателот на мастер франшизата најавува ширење на мрежата и јакнење на брендот.

Доминација на големите системи /09.03.2021

Годинашната листа на порталот FranchiseDirect потврди дека, дури и за време на пандемијата, американските франшизи останаа најуспешни и најзастапени во светот. Повеќето од нив се системи од областа на гастрономијата.

популарно во форумот