Супи во чаши кои се јадат - украинска франшиза со еколошка амбалажа!

Soup Culture / Овој украински гастро концепт за сега работи во седум земји и има повеќе од 20 франшизни подружници
Недела
17.11.2019
Украинскиот синџир Soup Culture кој е познат по подготовка и продажба на супи во чаши кои се јадат, има франшизи во седум земји и планира ширење на мрежата низ Европа.
 

Еден динамичен ден додека штетал низ Киев, Кирило Пузенко и размислувал како би било добро да може да изеде супа, а при тоа да не мора да седне во ресторан. Од таа желба, во моментот му се родила идеjа за концептот „супа за носење“. За разлика од вообичаената практика, тој не сакал супата да биде спакувана во пластична амбалажа или сличнo нееколошко пакување. Се сетил дека би било добро супата да се послужува во некоја попрактична амбалажа која истоивремено би можела и да се јаде. Со својот пријател Олег Герасимов осмислиле крцкав леб во форма на чаша кој би можел да се јаде заедно со супата. Една порција- така сервирана супа, во чаша која се јаде, тежи околу 400 грама и претставува вистински здрав оброк. Бидејќи супите се прават исклучиво од зеленчук, без месо и јајца, тие се одличен избор за потрошувачите кои уживаат во вегетаријански и вегански јадења, а тоа е обично таргет група на потрошувачи на кои им е важно да користат еколошки производи кои не произведуваат отпад и не ја загадуваат околината со пластика. А во денешно време, на голема среќа, се повеќе расте оваа група на луѓе, кои се еколошки свесни и на кои им се важни целите за одржливиот развој и заштитата на планетата.

Концептот заживеал 2014 година во Киев. Со игра на зборови, името на франшизниот систем Soup Culture асоцира и на некој вид посебна супкултура. – Не беше лесно да се дојде до конечниот производ бидејќи беше потребно време да се направат машини за производство на чаши кои се јадат. Неколку наши пријатели ја осмислија машината, но тешко ни беше да најдеме произведувач кој би ни направил само еден прототип, бидејќи за повеќе немавме пари. Денеска нашите машини се произведуваат во Полска и тоа за целата франшизна мрежа – објаснува Герасимов. 

Имено, првата меѓународна франшиза ја продале во 2016 година, токму за пазарот во Полска. Тогаш е потпишан и договор за мастер франшиза. Полските приматели на мастер франшиза станале и партнери за производстви на машините. 

Иако основниот производ во Soup Culture се супите, Герасимов вели дека примателите на франшиза имаат дозвола да додаваат и некои други производи како би ги зголемиле приходите.  – Има различни локации. Некои се многу мали и немаат можност да прават нешто друго освен супи, но има и такви кои имаат места за седење кои во својата понуда имаат и други производи со што би се обезбедил поголем промет – објаснува Герасимов.

Локалот може да има најмалку 20 квадратни метри, со простор за подготовка на супа, веднаш позади пултот.

– Правењето супа и не е толку сложено, затоа и не е потребна голема кујна -  објаснува Герасимов.

Сепак во нивната мрежа има и големи локали со потполно издвоена кујна.

Soup Culture денеска работи во седум земји преку франшизен модел на работење: Украина, Белорусија, Полска, Словачка, Чешка, Австрија, Грузија и Русија и маат повеќе од 20 франшизни единици.  Неколку франшизни единици се во постапка за отворање, како во Шведска, Норвешка, Ирска.

– Интересно е што 80 проценти од нашите приматели на франшиза пред да ја земат нашата франшиза немале никаков бизнис. Сето тоа го надминуваме со обука – објаснува Герасимов и додава дека примателите имаат на располагање околу 40 единствени рецепти за супа.

За отпочнувањето со овој бизнис во Европа, потребно е околу 25.000 евра. Тој износ ги покрива сите трошоци на уредување и опремување на просторот, како и трошпкот за франшизната лиценца. Праксата покажува дека најдобро е Soup Culture  да се отвори на фреквентна и туристички атрактивна локација, но добри се и локациите во близина на факултети, студентски домови, деловни објекти, паркови, скијачки центри...

Давателите на франшиза предност даваат на отворањето на самостојни франшизни единици пред франшизните ќошиња во рамките на постојните угостителски објекти. Меѓутоа, кога ќе се добијат специфични можности, како што е соработката со потенцијални големи партнери кои веќе имаат развиена угостителска мрежа, подготвени се и за такви преговори.

За странските пазари, претпочитаат потпишување на договори за мастер франшиза, но не задолжително.

Се зависи од земјата, за која разговараме. Секако полесно ни е да најдеме мастер партнер кој потоа би управувал со локалниот пазар и би ја ширел мрежата, со оглед на тоа што ние сме мал тим – вели Олег Герасимов и додава дека се заинтересирани за ширење во сите земји бидејќи мисли дека нема пазар кој не би го прифатил нивниот производ.


Со обука се решава неискуството / Не е неопходно примателот на франшизата Soup Culture да има искуство од областа на угостителството или готвењето – давателот на франшиза обезбедува целосна обука
Весна Лапчиќ
Уредник

погледнете ги текстовите

Sвездата од Јадранот на американскиот пазар /20.10.2020

Surf'n'Fries, познат по помфрит и оригинална амбалажа, влезе во еден од најпребирливите пазари – американскиот. Како се одвиваа подготовките и какви се реалните можности за развој, открива Андреја Чолак.

Добриот вкус на Steiku Haoss ресторан /10.10.2020

Синџирот семејни ресторани Steiku Haoss од Летонија планира да се прошири и на пазарите во светот. Франшизата е достапна и за претприемачите од регионов.

Достава на храна – предности и недостатоци /22.04.2020

Се повеќе угостители размислуваат за воведување на домашна достава како мерка со која би се намалиле последиците предизвикани од коронавирусот. Да ги разгледаме предностите и недостатоците на оваа стратегија.

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

најчитани

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Доминација на големите системи /09.03.2021

Годинашната листа на порталот FranchiseDirect потврди дека, дури и за време на пандемијата, американските франшизи останаа најуспешни и најзастапени во светот. Повеќето од нив се системи од областа на гастрономијата.

За нов почеток – училиште за програмирање /15.10.2020

Какви очекувања може да имаат претприемачите од регионов кои ќе ја изберат франшизата на полското училиште за програмирање Coding Giants? Приказната на Иза Порадовска од Полска може да биде интересен пример

Без застој во образовниот сектор /19.03.2021

Франшизите од секторот за едукација на децата, продолжија да ги шират своите мрежи, дури и за време на пандемијата. Неколку системи веќе потпишаа франшизни договори и започнаа со деловна активност во земјите и од овој регион.

популарно во форумот