Нови млади претприемачи во Скопје: кои се тие и зошто избрале франшиза за образование за деца?

Кон крајот на 2019 година, „Училиште за брзо читање и мудро учење“ и официјално се најде на пазарот во Македонија. Со потпишувањето на договор за мастер франшиза, едукативниот центар "St. George" стана мастер франшизен партнер и ги презеде обврските за натамошен развој на франшизната мрежа за Училиштето за подрачјето на нашата земја. Само еден месец подоцна потпишани се два нови франшизни договори со што на мрежата на „Училиште за брзо читање и мудро учење“ се придружија два нови партнери. 

Треба да се работи со срце

Јулија Калишевска е една од новите приматели на оваа едукативна франшиза. Мајка е на три машки деца и дома веќе имаат мини училиште. Како што растеле децата, започнувала да размислува како да им помогне во извршувањето на училишните обврски.

Мора да бидете многу креативни во изнаоѓањето на начини за мотивирање на децата за да ги сработат домашните задачи или да прочитаат лектира. Верував дека има модели и методи за функционално учење кои се разликуваат од тие од нашиот период на образование. Кога дознав за „Училиште за брзо читање и мудро учење“, сфатив дека токму тоа е моделот кој го барав и дека сега можам да им помогнам на своите деца да станат подобри, да го поттикнат својот потенцијал со помош на овие моќни техники и алатки за читање и учење, да ги развиваат вештините со издвојување на најважните информации, долготрајна меморија, фукционално изразување преку презентација на наученото и се разбира да заштедат време – ги посочува Калишевска предностите на Училиштето.

Дознавајќи, пак, дека нудат франшиза, сфатив дека „Училиштето“ е одлична можност да започнам сопствен бизнис, особено што тоа би било работа во која вистински би уживала и би ја работела од срце – додава Јулија која потпиша франшизен договор за цетралниот дел на Скопје.

За воља на вистината, Јулија одамна бара стабилен франшизен систем, бидејќи, како што вели, тоа би било добра основа за отпочнување сопствена дејност. Особено и било важно каква поддршка ќе добие од давателот на франшиза, што било и пресудно да ја земе оваа. И се допаднала поддршката која ја добила за време на обуката за предавачи и реализација на настава, како и за водење и работење на едукативиот цетар. – Иако имам диплома за маркетиг и менаџмент и сум дел од семејна фирма во која сите сме вклучени, ова сепак беше одлична можност да го остварам својот сон во кој би можела да ја покажам својата креативност – вели таа. 

Првите впечатоци се многу позитивни. Како што вели нашата соговорничка, веќе забележува дека денешите родители се многу посветени, грижливи и многу вложуваат во своите деца.  – Во  Македонија речиси секое дете посетува дополнителни часови, оди на спорт или курс за странски јазик. Родителите го препознаа значењето на „Училиште за брзо читање и мудро учење“, а децата, благодарение на тоа што ќе го научат кај нас, полесно самите ќе ги совладуваат лекциите од биологија, хемија и други предмети. Така родителот нема да мора да плаќа дополнителни часови, а децата ќе имаат повеќе слободно време – објасува таа. 

Ова е работа со голем потенцијал

Нов примател на фрашиза е и Љубомир Стојчески. Со својата партнерка Викторија зеле франшиза за Скопје, но за општина Карпош. – Откако дознавме за успехот на „Училиште за брзо читање и мудро учење“ во другите земји од регионов, решивме и ние да се придружиме на тимот и да донесеме еден ефикасен метод во нашата земја. Преку оваа програма сакаме да им помогнеме на македонските ученици да постигнат многу подобри резултати во образованието, менталиот развој, напредок во животот. Дополнителен потенцијал, во деловен поглед,  гледаме и во можноста за усовршување и за студентите и за возрасните, на кои овие методи можат да им помогнат во кариерата – вели тој.

Стојчески истакнува дека на подрачјето на општината во која ќе биде отворено „Училиште за брзо читање и мудро учење“ има голем број на основни и средни училишта, што упатува на податокот дека има многу деца на кои им треба помош. – Се надеваме дека наскоро ќе имаме свечено отворање и ќе одржиме бесплатна работилница за заинтересираните – напоменува Стојчески.

Започувањето нова работа нема да му биде проблем на Стојчески. Тој е дипломиран инжењер по електротехника и магистер по економски науки, а има искуство и во претприемништво. Покрај тоа што раководи со своето претпријатие, ангажиран е и како ментор во областа на социјалното претприемништво. Неговата партнерка Викторија дипломирала македонски јазик и работи во една од најголемите издавачки куќи во Македонија.

-Училиштето за  брзо читање и мудро учење го доживуваме како наша втора професија со голем потенцијал за натамошен развој – истакнува Стојчески.