Учи, создавај, заработувај

Едукидо / Полски едукативен концепт за деца кој ги поврзува учењето и забавата
Вторник
28.05.2019
Роберт Стопа вложил неколку илјади евра за да ја купи франшизата Едукидо. Инвестираното многу брзо го вратил и купил лиценца да развива бизнис во уште две дејности во Полска.
 

Првичните податоци за Едукидо Роберт Стопа ги добил случајно, слушајќи една радио емисија. Приказната за концептот за деца кои користат LEGO коцки во едукацијата го заинтересирала. Одлучил да исконтактира со давателот на франшиза и да се распраша за деталите за соработка.

Едукидо го отвориле ентузијасти, луѓе кои сакале да изградат силен бренд. Концептот е осмислен до најситен детаљ. Давателот на франшизата се потрудил активностите за децата да бидат интересни, но и многу едукативни. Од друга страна, системот е поставен така што и примателите на франшизата можат убаво да заработат. После првиот разговор помислив дека доколку ја напуштам работата и отпочнам сопствен бизнис, тоа би го сторил единствено за Едукидо, особено што имам педагошко образование и сакам да работам со деца – раскажува младиот претприемач од Полска Роберт Стопа како и зошто станал примател на Едукидо франшизата.

Во јуни 2017 година потпишал франшизен договор со што имал доволно време да се подготви за екот на сезоната. Во оваа работа, како што вели, септември е клучниот месец бидејќи родителите во тој период одлучуваат на кои дополнителни активности ќе ги запишат своите деца.

Неговата франшизна лиценца покривала само едно подрачје од градот Жежов каде и тој живее.  – Во тоа време веќе постоеше примател на Едукидо франшизата кој ги имаше ексклузивните права за подрачјето на Жежов. Заради тоа ние се насочивме кон приградските училишта и оние на периферијата. Ќе изнајмевме простор во рамките на градинка или училиште и туку ги организиравме првите работилници. Од почетокот се работев сам, но како што се зголемуваше интересот, набрги вработив уште неколку инструктори, Парите кои ги вложив во Едукидо успеав да си ги повратам за само седум месеци работа. Заработеното го вложив во купување на лиценца и тоа за две области, во градовите Мјелец и Лањцут. Денеска единствено се занимавам со менаџмент и маркетинг – вели Роберт Стопа и додава дека во секој момент има повеќе од 70 групи со деца кои доаѓаат на нивните работилници.

Стопа, меѓутоа забележува дека родителите често ги мешаат активностите на Едукидо со курсевите за роботика. – Едукидо е многу повеќе од тоа. Ние се трудиме преку користењето на LEGO коцките на децата да им ги пренесеме различните интересирања за светот и животот, наместо само да правиме роботи според упатство. Темите на нашите работилници се многу широки, а програмите се приспособуваат според возраста на децата – објаснува Стопа.

Часот започнува со одредени стимулативни активности кои вниманието на децата го насочуваат кон темата која се обработува. Тоа може да биде кус видео-клип. Потоа инструкторот прави приказна околу избраната тема, на пример гравитација, поставувајќи повеќе прашања. Децата доаѓаат до одговорите на различни начини – преку експерименти, размислувања, разговор, користејќи ги при тоа и LEGO коцките. Многу е важно тоа што децата не добиваат упатства што треба и како треба да направат. – Се трудиме да ја поттикнеме и развиеме самостојноста, затоа инструкторите не се мешаат премногу во работата на децата. Нивната задача е да ги стимулираат децата на креативност, логично размислување што ќе ги поттикне нешто и да направат – објаснува еден од инструкторите.

Додека децата работат на своите конструкции е вистинскмо време да извлечат важни заклучоци. Темите на кои се разговара на Едукидо работилниците се однесуваат и на летечки објекти, обновливи извори на енергија, карти на светот, гравитација, современ транспорт, подвижни мостови, вселенски ровери и слично.

Најголемиот дел од приходот, околу 85% ги создаваат класичните работилници, околу 10 % од  приходот е од специјалните работилници кои се организираат во училиштата и на кои се обработуваат специфични училишни теми, а 5% од организирањето на роденденски прослави и слични настани. Целта ни е наскоро да се фокусираме и на организирање на работилници по фирмите бидејќи имам впешаток дека уште многу може да се направи на тоа поле. Исто така би сакал да организираме и кампови бидејќи со тоа се уште не сме се занимавале. Веројатно во иднина ќе отвориме уште еден Едукидо центар – вели Роберт Стопа.

Давателот на франшизата препорачува примателите да започнат со организирање на работилница во рамките на градинка или училиште. Во тој случај инвестицијата е помала бидејќи потребни се пари само за лиценца и купување одредени  LEGO комплети. Вкупните вложувања, пак, зависат и од големината на подрачјето за кое примателот на франшиза ја купува лиценцата, како и од тоа дали ќе организира работилница во рамки на училиште или веднаш самостојно ќе отвори едукативен центар.

Доколку примателот на франшиза се одлучи за првата, поевтина опција, неговата следна задача ќе биде да ги заинтересира директорите на училиштата за соработка. Потоа да ги убеди родителите дека е добро детето да се запише на часови во Едукидо. – И едните и другите главно се приемчиви. Развивме програма за деца од три до 12 години што ни овозможи работилниците да можеме да ги одржуваме и во градинка. Забележавме дека многу поголем е интересот кај децата на возраст од шест до девет години – вели Роберт Стопа.

Часовите во Едукидо траат 60 минути. Исклучок се градинките каде работилниците можат да траат и по половина час. Прилагодени се за групи со најмногу 10 ученици. Примателите на франшиза најчесто вработуваат студенти како инструктори. – Тоа пред се треба да биде личност која сака и знае да работи со деца – додава Стопа.

Доколку примателите одлучат за отворање на самостоен Едукидо центар, тогаш работилниците можат да се одржуваат преку целиот ден и за викенд. Треба да се има предвид дека на голем дел од луѓето повеќе им одговараат термините кои се надвор од работниот ден. Во таков случај примателот може да ја прошири понудата и да организира роденденски забави или полудневни кампови. Оваа опција му дава можност да работи и за време на училишниот распиуст.

Давателот на  франшиза не ги утврдува цените на курсевите. Примателот на франшиза има обврска да се распраша колку чинат слични услуги на подрачјето каде сака да работи и дали цените им одговараат на родителите чии деца би го посетувале Едукидо. – Меѓутоа квалитетот на работилниците е од пресудно значење за родителите. Забележавме дека родителите се подготвени да платат повеќе доколку е добро и квалитетно. Од друга страна, пак, примателот мора да напрви проценка дали ќе му биде исплатливо доколку понуди услуга по одредена цена – смета Стопа.

Што работат за време на летото примателите на Едукидо франшизата? 

Покрај тоа што можат, како што вели Стопа, да организираат кампови, тие можат да се посветат и на ажурирање на едукативниот материјал, да осмислат нови активности, да подготват маркетинг стратегија. – Во август треба да се подготват понуди за училиштата и да се бара можност да им се престават на родителите. Од првиот ден во септември треба да се започне со интензивни промоции, да се делат флаери, да се организираат пробни и информативни работилници – прецизира Стопа.

Идеален кандидат за Едукидо франшиза е личност со менаџерско искуство. Би било добро доколку и претходно работела со деца, но не е и неопходно. Во моментов, под брендот Едукидо во Полска работат 29 центри од кои два се во сопственост на давател на франшиза, а 27 се франшизни.


Роберт Стопа, примател на Едукидо франшиза / „Едукидо го создадоа ентузијасти. Луѓе кои сакале да изградат силен бренд. Концептот навистина е осмислен до најситните детали.“

погледнете ги текстовите

Избери и започни со свој бизнис /05.10.2021

Се наближува 19-тото издание на најголемиот саем за франшиза во Централна и Источна Европа. Варшава повторно ќе биде домаќин на повеќе од 200 компании кои бараат идни деловни партнери - франшизни приматели.

Сигурна поддршка во франшизното семејство /22.09.2021

Околностите ги натераа Војислав Пековиќ и Александра Милосављевиќ да отворат училиште за ментална аритметика „Малац генијалац“ во Скопје, наместо во Белград. Велат дека, потенцијал за отворање на нови училишта постои речиси во сите градови во Северна Македонија.

Градиме подобра иднина /04.08.2021

„Секој кој што ја препознава убавината на нашата едукативна мисија е квалификуван за примател на франшизата Young Engineers“, вели основачот на овој американски едукативен концепт, Амир Асор

Случајот на Edukido - што е неопходно за успех во едукативна франшиза? /23.01.2020

„Практиката покажува дека колку повеќе примателите на франшиза се потпираат на нашето искуство и препораки, толку им се подобри резултатите во работењето“ вели Ана Јурак, менаџер во одделението за деловни корисници на едукативниот концепт Edukido.

Коцка, коцка, коцкичка... учиме со Едукидо /17.12.2019

Полскиот едукативен концепт Едукидо планира ширење на франшизната мрежа надвор од границите на Полска. Покрај национална мастер франшиза се нуди и одделна франшиза.

најчитани

Каков бизнис може да стане франшизата? /26.10.2018

Успешното работење може да доведе до отворање на работилници или филијали, отворање на нови фирми или - по пат на франшиза. Во споредба со првите два начини, деловен развој по пат на франшиза бара помали инвестиции и носи помал ризик.

Дефиниција на франшизинг /17.07.2018

Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.

Како да се подготвите за улогата примател на франшиза? /06.05.2019

Кој бизнис? Има ли пазар за тоа што сакам да го работам/понудам? Имам ли доволно пари за отпочнувањае бизнис? На крајот, дали ќе ми се исплати оваа работа?

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Modeli širenja franšiznih sistema /25.10.2018

Секој франшизен систем бира или креира начин на меѓународна експанзија кој најмногу му одговара. Меѓутоа, мже да се каже дека постојат пет основни начини на ширење, односно модалитети во кои франшизните системи се присутни на пазарот. Како да се одбере вистинскиот?

популарно во форумот