Малите џинови програмери

Живееме во време во кое не е доволно само да знаеме да читаме и броиме – употребата на дигиталните технологии создадe и нова дефиниција за писменост, а со тоа и потреба за дополнително образование. Тоа ги поттикна двете страни во процесот – и учениците и образовните институции, зголемувајќи ја побарувачката за ИТ вештини. Најбрз и до сега нејефикасен одговор на таквата зголемена побарувачка се приватните училишта за програмирање. Токму заради желбата да го споделат своето знаење, ентузијазам и страст за компјутерите и програмирањето, четири инженери од Варшавскиот технолошки универзитет во 2015 година го основале училиштето за програмирање Coding Giants.

– Целта ни беше на децата и младите да им ја доближиме новата технологија и да ги образуваме во областа на комјутерското програмирање, но и да им ја развиеме нивната способност за логичко размислување – велат основачите на училиштето.

Набргу добиваат потврда дека се на вистинскиот пат. За само четири години работење успеале да отворат повеќе од 50 училишта во 26 градови во Полска. Повеќето од училиштата и натаму се во нивна сопственост, но секоја година се зголемува бројот на франшизните подружници. Меѓутоа, забележале дека побарувањето за едукација и развивање на вештините во областа на информатичката технологија ја надминува понудата во Полска, а според нивниот впечаток така е и на другите пазари. Заради тоа од годинава франшизата им ја понудиле и на претпремачите надвор од Полска, а франшизни партнери бараат и во земјите од регионот.

– Од потенцијалните кандидати, пред се се очекува да сакаат да работат со деца и млади. Се разбира, треба да бидат мотивирани и иницијативни, треба да го познаваат локалниот пазар и да имаат основни познавања за информатика, нови технологии, а во најдобар случај и за програмирање – велат во Coding Giants.

За да се отвори училиште за програмирање под брендот Coding Giants потребни се 6000 евра што се смета како почетна инвестиција која го покрива надоместокот за лиценца, опрема и уредување на просторот. Услов е училниците или просторот во кој ќе се одржуваат курсевите за програмирање да не бидат помали од 30 м2. Тековниот надомест се утврдува со договор и може да се плаќа или како редовен месечен надомест или како месечна провизија од приходот на училиштето.

Давателите на франшиза велат дека нивните идни партнери можат да очекуваат постојана поддршка со сите предности кои ги носи развиениот и воспоставен систем. Coding Giants според правилата на франшизната соработка нуди стручност, бренд и know-how, вклучително и целиот материјал за работа: проверени наставни скрипти за водење на курсевите, едукативни материјали за учениците, како и промотивен материјал и пристап до целосниот CRM систем кој го олеснува процесот на пријавување на посетителите, плаќањето и комуникацијата со клиентите.