Научна кујничка – наука низ игра
Научната кујничка покажува дека франшизата може да биде многу повеќе од деловен потфат – таа станува мисија која го менува начинот на кој децата ја запознаваат науката. Спојот на игра, едукација и сигурен деловен модел привлекува претприемачи низ цела Европа.
Искуствата на франшизерите покажуваат дека Научната кујничка не е само работа, туку можност за градење на иднината на децата, додека истовремено се развива стабилен и перспективен бизнис. Поддршката од централата, готовите едукативни програми, препознатливиот бренд и растечката побарувачка го прават овој концепт една од најинтересните франшизни можности на пазарот на образование.
Разговаравме со приматели на франшиза од три земји – Северна Македонија, Германија и Хрватска – кои веќе го препознале потенцијалот на овој бренд и одлучиле да станат дел од мрежата.
„Ова не е само работа, туку и мисија“ – Северна Македонија
Христијан Димоски, мастер франшизер за територијата на Северна Македонија, истакнува дека ги привлече спојот на наука и игра, како и професионалната поддршка што ја добиле од централата:
„Препознавме голем пазарен потенцијал и растечка потреба за креативни и едукативни програми за деца. Ни се допадна професионализмот, методологијата на работа и поддршката – од обука и материјали до маркетинг и брендирање. Затоа одлучивме да потпишеме договор за мастер франшиза.“
Димоски нагласува дека децата со голем ентузијазам учествуваат во работилниците, а родителите ја ценат оригиналноста и едукативната вредност:
„Ова не е само работа, туку и мисија – влијание врз развојот на децата и љубовта кон науката. Со поддршка од централата и позитивниот одзив на заедницата, резултатите доаѓаат брзо.“
„Програма на иднината за децата на денешницата“ – Германија
Милица Зариќ од Германија одлучи да го донесе концептот во својот град, кој до сега не постоел:
„Ме привлече единствената комбинација на учење преку игра, без класични книги и домашни задачи. Знаев дека со Научната кујничка ќе бидеме уникатни и ќе донесеме нешто сосема ново.“
Поддршката од централата ја опишува како брза и ефикасна, а реакциите на родителите веќе сега се повеќе од позитивни:
„Родителите се многу заинтересирани и едвај чекаат официјално да започнеме. Би им препорачала на сите да се впуштат во овој бизнис, бидејќи е програма на иднината, особено важна за децата на денешницата.“
„Спој на страста кон науката и сигурна деловна можност“ – Хрватска
Дин Брабец, мастер франшизер за Хрватска, истакнува дека Научната кујничка нуди идеална рамнотежа помеѓу сигурноста на етаблиран бренд и слободата да се води сопствен бизнис:
„Верувам дека науката е најдобар начин децата да развијат љубопитност, логика и креативност. Ме воодушеви идејата да им го овозможиме тоа преку игра и експерименти. Отворањето на франшиза претставува сериозна и вредна деловна можност, бидејќи влегувате во бизнис со поддршка на проверен модел и силен бренд.“
Брабец додава дека интересот на децата и родителите е огромен и дека визијата за развој е јасна:
„Сакаме Научната кујничка да стане препознатлив и омилен едукативен бренд низ цела Хрватска. Нашата цел е да им овозможиме на што повеќе деца да го откриваат светот на науката, а на родителите да добијат сигурен и доверлив партнер во образованието.“
Искуствата од Северна Македонија, Германија и Хрватска јасно покажуваат дека Научната кујничка нуди и силна пазарна можност и лично задоволство за оние кои сакаат да влијаат на образованието на идните генерации. Ова е франшиза која истовремено гради бизнис и иднина на децата.
Со примателите на франшиза од Македонија / 
погледнете ги текстовите
Канадско образование и на Балканот
/10.01.2022
„Поддршката која што ја добиваме и на која што ќе може секогаш да сметаме, е клучна за франшизната соработка и светскиот успех на Maple Bear“, истакнува Љиљана Николова, како причина поради која што се одлучила за користење на франшизата на овој образовен систем.
Околностите ги натераа Војислав Пековиќ и Александра Милосављевиќ да отворат училиште за ментална аритметика „Малац генијалац“ во Скопје, наместо во Белград. Велат дека, потенцијал за отворање на нови училишта постои речиси во сите градови во Северна Македонија.
„Секој кој што ја препознава убавината на нашата едукативна мисија е квалификуван за примател на франшизата Young Engineers“, вели основачот на овој американски едукативен концепт, Амир Асор
Полското училиште за програмирање за возрасни Coders Lab е отворено во две нови европски земји, а моментално се активни и нови дополнителни поволности за потенцијалните партнери од регионот.
Франшизите од секторот за едукација на децата, продолжија да ги шират своите мрежи, дури и за време на пандемијата. Неколку системи веќе потпишаа франшизни договори и започнаа со деловна активност во земјите и од овој регион.
најчитани
Sara Fashion компанија која освојува
/08.11.2019
Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.
Како може да се користи волната од овците? Претприемничката двојка од Романија започна со производство на пелети од овча волна, кои се користат во земјоделството како исклучително квалитетно органско ѓубриво.
Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.
Турскиот малопродажен синџир FLO планира четирикратно да го зголеми бројот на продавници со франшиза ширум светот до 2023 година. На мапата на франшизата се и земјите од овој регион.
Митко Андонов ја развива франшизата Jumping Clay во Македонија. Во нашиот разговор тој ни открива каде го гледа најголемиот потенцијал и кои се неговите приоритети во бизнисот.