DepilConcept доаѓа во Србија

 Наскоро во Белград
Наскоро во Белград / DepilConcept е бренд во сопственост на португалската компанија Grupo Concept под чија закрила моментно работат повеќе од 100 клиники
Понеделник
11.03.2019
Португалскиот бренд во областа на долготрајното отстранување на влакната DepilConcept ја отвора првата франшизна клиника во Белград. Примателот на мастер франшизата најавува ширење на мрежата и јакнење на брендот.
 

Во средината на март во Белград ќе биде отворена првата клиника на португалскиот бренд DepilConcept. – За DepilConcept.дознавме уште пред три години - раскажува за нашиот портал Немања Никодијевиќ, директор на компанијата која е примател на мастер франшизата на овој бренд. – Но, во тоа време работевме во друга гранка, стекнувавме први работни искуства. Кога посакавме да напредуваме, повторно се вративме на DepilConcept – објаснува како дошле до овој фрншизен систем.

Одлуката за започнување на соработката со португалската компанија, како што вели, не било тешко да се донесе. – Се работи за бренд кој функционира и работи повеќе од 12 години во една комплексна гранка. Со своите резултати покажаа дека можеме да имаме доверба во нив, бидејќи брендот систематски ја врши својата работа, компанијата многу добро е организирана, особено во однос на стручната и навремена поддршка, што за нас како приматели на нивната франшиза беше една од најважните работи кога размислувавме да започнеме со соработката – објаснува Никодијевиќ. – Како што за нашите идни франшизни партнери од Србија една од најважните работи ќе биде ние како мастери да бидеме добро организирани – напоменува тој.

DepilConcept за нив бил вистински избор што се потврдило и кога лично се запознале со сопствениците и вработените и виделе како работи компанијата. – Откако се запознавме со протиколите и формата на работа, ни стана јасно дека ова е нашата вистинска приказна - истакнува нашиот соговорник.

Подготовките за отворањето на првата клиника привршуваат. За една недела, како што е најавено DepilConcept, сместен на аголот на улиците „27 Март“ и „Таковска“ во Белград, ќе ги прими првите клиенти.

Отворањето на оваа подружница за примателите на мастер франшизата е всушност прва задача. – Како и сите мастери, ние работиме две работи – потсетува Никодијевиќ – Покрај тоа што ја  отвораме и водиме својата клиника, имаме  задача и понатаму да го шириме овој бренд, односно да продаваме одделни франшизи – вели тој и додава дека со португалската компанија се договориле со продажбата на франшизата да започнат веднаш по отворањето на клиниката.

- Благодарејќи на нашата голема база на податоци, уште сега ги воспоставивме првите контакти и постои голема можност веднаш да започнеме со ширење на брендот. Сметаме дека Србија има одлични услови за оваа дејност. Кога размнислуваме за ширење на мрежата не ги земаме во предвид само  големите градови. Заради пристапната цена на франшизата, како и исклучително поволните цени  на самите третмани и добрата организираност на компанијата и работата, мислиме дека има потенцијал и помалите места да бидат многу добар пазар за развој на DepilConcept - вели нашиот соговорник.

DepilConcept е бренд во сопственост  на португалската компанија Grupo Concept под која моментно работат повеќе од 100 клиники. Специјализирани се во областите за долготрајно отстранување на влакната, фотоподмладување, третмани кои негуваат секој тип на кожа. Освен во Португалија, франшизната мрежа ја развиваат во уште неколку земји, меѓу кои се и Бразил и Полска. Низ клиниките на DepilConcept во последните 12 години минале повеќе од 200.000 клиенти.

Проверениот и потврден португалски бренд, продолжува со ширење на мрежата  на Балканот. По Србија,  нивната потрага по нов партнер, примател на мастер франшиза се префрла  во Република Северна Македонија.


најчитани

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Можност за бизнис на пазарот за итни транспортни услуги /07.05.2019

Flash е европски лидер во давање на професионални услуги за итен транспорт кој отпочнува со нова франшизна програма. Целта е проширување на мрежата на превозници и партнери низ Европа. Приматели на франшизата бараат и во земјите од регионов.

Самопослужно перење, како и насекаде во светот /18.12.2018

Првата франшиза на LG Laundry Lounge е отворена во Србија, во населбата Белвил во Белград. Потенцијал за ширење на мрежата постои и во другите градови од Србија како и поширокиот регион.

Идеа за работа во заштитата на телефонот /27.04.2019

Американската франшиза Mobile Outfitters, специјализирана за услуги за заштита и стилизирање на мобилните телефони со квалитетна фолија, веќе неколку години работи во Хрватска и Србија. Бараат приматели за франшизата и во Македонија.

Брзиот транспорт брзо расте /27.06.2019

Flash Europe кој е европски лидер во давање професионални услуги за итен транспорт, започнува со франшизна програма во овој регион. Кој може да стане примател на франшизата, открива франшизниот менаџер Френк ван Дорн

популарно во форумот