Subway во центарот на Загреб / Нов дизајн Fresh Forward и нови можности – пример како Subway сака да се развива на хрватскиот пазар.
Четврток
12.12.2019
Subway, најголемиот франшизен ланец на ресторани во светот, кон крајот на ноември го отвори и вториот ресторан во главниот град на Хрватска, Загреб.
 

Покрај ресторанот во Арена Центарот, кој е отворен во 2017 година, Загреб го доби и вториот Subway ресторан и тоа во строгиот центар на градот, на плоштадот Бан Јелачиќ.

Новиот ресторан Subway во Хрватска, како што стои во соопштението, нуди и нов внатрешен дизајн Fresh Forward, кој на гостите ќе им понуди можност за избор – од начинот на порачки и преземање на храната до целосно уживање во јадењето. Визуелниот идентитет во комбинација со иновативниот дизајн на ентериерот го прават просторот посветол и помодерен. Бидејќи Subway е познат по своите сендвичи, на прво место е делот со свеж зеленчук, стои меѓу другото во соопштението. – Новиот дизајн треба да им овозможи на  гостите времето поминато во нашиот ресторан да им биде попријатно. Ресторанот е со свежи бои кои ги следат нашите производи: тазе подготвени сендвичи, салати и wrap-ови. Сакавме со ваквиот дизајн да ја нагласиме понудата на ресторанот – вели Владимир Ханула, сопственик на постојните ресторани и франшизен партнер на Subway во Хрватска.

Можност и за иницијативните

Благодарение на потврдениот деловен модел, Subway ресторанот е одлична можност за претприемачите кои размислуваат за бизнис во угостителството, потсетува Владимир Ханула. Како приматели на Subway франшизата, партнерите добиваат многу можности со оглед на тоа што франшизата се заснива на систем кој постои и кој се унапредува речиси 55 години. Докажаните постапки на работење му го олеснуваат на примателот на франшиза секој чекор во водењето на ресторанот. Системот е едноставен и лесен за водење, нуди флексибилни можности во изборот на локацијата и технички не е сложен, што значи дека може да се имплементира со умерени вложувања. 

 Првиот наш Fresh Forward ресторан е пример за тоа како сакаме натаму да се развиваме на хрватскиот пазар и сите нови ресторани ќе бидат отворени во овој стил. И натаму голем потенцијал гледаме во Загреб, но и во други хрватски градови: Сплит, Ријека, Осиек, Шибеник, Задар, но и во одморалиштата долж автопатот – вели Мартин Принц, Country Director Subway за средна и источна Европа. 

Резултатите од работењето покажуваат дека Subway во Хрватска, на годишно ниво постојано се зголемува. Годишниот пораст на продажбата во Хрватска изнесува 6%, а годишниот профит за примателите на франшизата 9%. Во 2019 година Subway оствари значителен раст во Хрватска. Продажбата се зголеми за 13% во последниот квартал, а 20% минатиот месец. 

Со повеќе од 42.000 ресторани на глобално ниво, Subway е најголемиот синџир на ресторани во светот. Интересен е податокот дека самата компанијата Subway нема ниту еден ресторан во своја сопственост. Имено, сите ресторани им припаѓаат на примателите на франшиза, чија бројка денеска изнесува над 21.000, а дури 70% од примателите на франшиза управуваат со повеќе од еден ресторан. Меѓу нив се и тие кои во своето франшизно портфолио имаат по 100 и повеќе Subway ресторани.

Во регионов, засега Subway работи во Словенија и Хрватска.


Франшизната мрежа е во развој / Subway во Хрватска планира да се шири во Загреб, но и во Сплит, Ријека, Осијек, Шибеник, Задар.
PROFIT system

погледнете ги текстовите

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

Одличниот Surf’n’Fries е веќе во Белград. Дали наскоро го гледаме и во Скопје? /13.02.2020

Ланецот ресторани Surf’n’Fries, познат по помфритот, необичните сосови и оригиналната амбалажа, пристигна и во соседството. Првиот ресторан од овој франшизен ланец отворен е во Белград.

Автоматизиран „Sид за пијалоци“, угостителски концепт од иднината /05.01.2020

Оригиналниот концепт на услуги по кој се препознаваат рестораните EasyBeer и EasyWine посебно е интересен за гостите, а нивната исплатливост, за претприемачите кои се заинтересирани за оваа франшиза.

Место на пазарот за познатата пицерија /31.12.2019

Pizza Hut започнува со ширење на франшизната мрежа во централна и источна Европа. Што е потребно за отворање на ресторан и колку чини да се работи под овој бренд?

најчитани

Секторот на убавина во време на пандемија: неколку искуства /29.04.2020

Епидемијата од коронавирусот влијае и на бизнисот поврзан со нега и убавина. Како се справуваат франшизните системи во оваа, новонастаната состојба? Пренесуваме искуства од Полска.

LG Салон за перење /19.03.2019

Во ритамот на животните промени – помалку време, помал животен простор и големи сметки за струја, не е за изненадување кога новите бизнис концепти се издигнуваат, искористувајќи ја ваквата ситуација како поволна прилика која води кон основање нов бренд - сервис за перење.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

JUMBO расте на Балканот /20.07.2018

Џамбо, грчки синџир продавници за играчки, ја прошири мрежата за франшиза во регионот. Последната продавница беше отворена во Гњилане, Косово.

популарно во форумот