Безбедно доставување на храна

Најбезбедно е без директен контакт
Најбезбедно е без директен контакт / Рестораните кои учествуваа во кампањата за безбедна достава, имаа обврска да направат посебни тампон зони за преземање на храната - тоа е просторија потполно одвоена од ресторанот или место на безбедна оддалеченост од просторот во кој што престојуваат вработените.
Понеделник
12.04.2021
Минимален контакт со клиенти, редовна употреба на средства за дезинфекција, и постојана проверка на здравствената состојба на доставувачот - се главните принципи за сигурна достава на храната. Како еден франшизен систем ги применува сите овие принципи во пракса?
 

После првиот бран од пандемијата и карантинот, повеќето угостители мораа брзо да реагираат и да смислат како да ги надоместат загубите поради скратеното работно време, односно целосното затворање на локалите. Помал проблем секако имаа угостителите со веќе развиена „take awаy“ услуга  и достава, а останатите можеа да се потпрат на индустријата која доживува успех и на овие простори - сервис за доставување на храна.

Денес, можеме да кажеме дека, пандемијата немаше негативно влијание врз компаниите кои што нудат курирски услуги за достава на храна на домашна адреса.
Напротив, новите околности дополнително придонесоа за популаризација и раст во овој сектор, на глобално ниво. Меѓутоа, вонредните околности исто така, бараа и вонредни хигиенски мерки, со што и овие сервиси мораа да се прилагодат на епидемиолошките протоколи, како би можеле да им гарантираат на своите клиенти безбедна достава. Пренесуваме искуство на една полска компанија.

Stava го започна својот бизнис во 2014 година, како прв сервис за достава на храна во Полска, пазар со околу 40 милиони жители. Денес, не само што е најголема гастро служба за достава во оваа земја, туку е и една од ретките која има развиена франшизна мрежа (28 франшизни единици низ цела Полска). Со првиот бран на пандемијата, Stava започнала кампања #bezpiecznedowozy (безбедна достава), и заедно со претставниците на угостителскиот секор и експертите за безбедност на храната го подготвила ,,Кодексот на добрата пракса’’, кој бил одобрен и од страна на Главниот санитарен инспекторат во Полска. Протоклите кои беа усвоени од Stava сега важат за сите останати франшизни партнери, кои работат во рамките на овој систем, а порталот Franchising.pl* открива како тие се применуваат во нивното секојдневно работење.

Пред сè - дезинфекција

Сепак, се започнува со едукација на доставувачите. - Пред започнување со работата, доставувачите мораа да поминат низ детален, специјализиран курс што ги подготвил за работа во моменталните услови. Пред се, мораа да научат како да ги следат сите сигурносни и хигиенски процедури при превозот на храната од ресторанот до дестинацијата - вели Павел Аксамит, претседател на компанијата Stava.

Па така, доставувачите се обучени да го дезинфицираат работниот простор, возилата и опремата која ја користат.

Како изгледа еден работен ден на доставувач во услови на пандемија? Пред да замине по пратката, доставувачот ќе ги измие рацете, ќе стави маска и заштитни ракавици, ќе измери температура и ќе го пополни соодветниот здравствен образец. - Сето ова е потребно за да обезбедиме максимална сигурност за луѓето што би дошле евентуално во контакт со доставувачот - посочува Аксамит.

Доставувачите ќе обрнат внимание и на тоа дали опремата за пренос на храната е претходно дезинфицирана - во тој случај таа е обележана со посебна налепница. Доколку е потребно, доставувачот сам ја дезинфицира торбата за пренос на храната, најчесто со помош на озонатор.
- Постапката за дезинфекција се применува секој ден, а се дезинфицира и целата канцелариска опрема, а особено предметите кои што вработените најмногу и најчесто ги користат, како што се терминалите за наплата, кваки, пенкала, картички за гориво, документи и телефони, вклучувајќи ги и приватните телефони на доставувачите - објаснува Аксамит. - Комплетна дезинфекција се прави и во автомобилите, се дезинфицираат клучевите, воланот, безбедносните ремени, како и помалку очигледните места како што се: капачето за гориво, рачните сопирачки, менувачот на брзини, копчињата за светло или климатизација - додава тој.

...безбедно преземање

Ланецот за сигурна достава не смее да биде загрозен дури и за време на двата клучни процеси во испорака на храната - при преземањето на храната од ресторанот и доставување до потрошувачот.

- Одговорните служби за доставување доследно ги применуваат протоклите кои се развиени и верифицирани со НАССР системот поради новите закани на вирусот SARS-Cov 2. Со ревизија на системот овозможивме воведување на засилен хигиенски режим и прилагодување на протоклите. Еден од елементите е и безконтактната достава од ресторанот до потрошувачот, која што вклучува што помалку контакти на доставувачот со вработените во ресторанот и потрошувачите, пропратено со одржување на строг хигиенски режим - објаснува Joanna Terelak-Subramanian, микробиолог и експерт за безбедност на храна, креатор на платформата НАССР Online.

Рестораните кои учествуваа во кампањата за безбедна достава, имаа обврска да направат посебни тампон зони за преземање на храната - тоа е просторија потполно одвоена од ресторанот или место на безбедна оддалеченост од просторот во кој што престојуваат вработените. Вработениот во ресторанот нарачаната храна ја носи до тоа одредено место. Штом го напушти ова место, доставувачот го презема јадењето, го става во дезинфицирана торба, специјално дизајнирана не само да одржува оптимална температура на храната, туку и да ја заштитува хигиенски. Благодарение на оваа постапка, доставувачот избегнува директен контакт со вработените од ресторанот.

...и безбедна достава

Поради безбедност, доставувачите не би требало да влегуваат во згради - најдобро е ако купувачот излезе надвор и ја земе нарачката од местото договорено со доставувачот. Целта е што помалку да се користат лифтовите и заедничките скали. Меѓутоа, животот често пати се одвива по непланирани сценарија, па се случува доставувачот да мора да влезе во зградата. Во тој случај најбитно е доставувачот да носи заштитна маска и ракавици. 

Доколку нарачката е веќе платена онлајн, доставата е потполно безконтактна и сигурна, поради што овој начин на плаќање се препорачува најмногу. Меѓутоа, доколку плаќањето се врши при испорака, најдобро би било купувачот да плати со картичка. Терминалите за плаќање се дезинфицираат пред и после секоја трансакција. Сепак, доколку купувачот плати во готовина, парите исто така мора да бидат соодветно дезинфицирани.

*Порталот Franchising.pl, ,,сестрински’’ портал на
регионалните портали Franchising.rs и Franchising.mk, е медиумски парнер на кампањатa #bezpiecznedowozy (безбедна достава).


погледнете ги текстовите

Од крофнички до франшиза /27.10.2020

Приказната за „Јети фритули“ од Макарска е добар пример како од мал семеен бизнис може да се направи франшиза. Како се градел овој концепт, што е потребно за профитабилно работење и кои би биле посакувани приматели на франшизата?

Добриот вкус на Steiku Haoss ресторан /10.10.2020

Синџирот семејни ресторани Steiku Haoss од Летонија планира да се прошири и на пазарите во светот. Франшизата е достапна и за претприемачите од регионов.

Автоматизиран „Sид за пијалоци“, угостителски концепт од иднината /05.01.2020

Оригиналниот концепт на услуги по кој се препознаваат рестораните EasyBeer и EasyWine посебно е интересен за гостите, а нивната исплатливост, за претприемачите кои се заинтересирани за оваа франшиза.

Icy Bobo од сега е YORTIE /20.07.2019

Франшизниот систем Icy Bobo, како концепт за продажба на сладолед подготвен на тајландски начин, во целост е ребрендиран. Сега работи под брендот YORTIE.

Замрзнати ролнички /11.06.2019

Франшизниот систем Icy Bobo, концепт за продажба на сладолед подготвен на тајландски начин, предвидува проширување на мрежата низ Европа. Свои партнери бараат и во нашиот регион.

најчитани

Од хокеј до Сабвеј /05.03.2019

На почетокот бевме и загрижени – како ќе започнеме бизнис со кој никогаш не сме се занимавале! Меѓутоа сфативме дека купувањето на Subway франшизата значи дека ќе имаме постојана помош и поддршка – вели Петер Фрухауф, познат словачки хокеар.

Самопослужно перење, како и насекаде во светот /18.12.2018

Првата франшиза на LG Laundry Lounge е отворена во Србија, во населбата Белвил во Белград. Потенцијал за ширење на мрежата постои и во другите градови од Србија како и поширокиот регион.

Саемот во Варшава- според планираното! /03.09.2020

Саемите и конференциите се враќаат! Најголемиот саем на франшизи во средна и источна Европа ќе се одржи како што е и планирано, од 15 до 17 октомври 2020 во Варшава.

Франшизен пакет /17.07.2018

Франшизен пакет е основата на франшизниот систем, бидејќи го содржи комлетниот бизнис пакет кој го нуди сопственикот на франшизата.

LG Салон за перење /19.03.2019

Во ритамот на животните промени – помалку време, помал животен простор и големи сметки за струја, не е за изненадување кога новите бизнис концепти се издигнуваат, искористувајќи ја ваквата ситуација како поволна прилика која води кон основање нов бренд - сервис за перење.

популарно во форумот