Заработи на евтино кафе

Cofix / Ланец на кафетерии во кои што се служи квалитетно кафе по многу поволни цени
Петок
29.10.2021
Cofix, ланецот на кафетерии со поволни цени, се појави на израелскиот пазар како сериозен конкурент на Starbucks. Денес, по постигнатите завидни резултати на постоечките пазари, имаат намера да го прошират својот бизнис низ цела Европа.
 

- Се започна на едно од моите патувања низ Израел - се присетува Ави Кач, основачот на Cofix. - Застанавме на бензинска пумпа, за да купиме нешто за освежување. Во џебот имав 50 шекели (околу 700 денари). Нарачав кафе и сендвич, а мојот пријател нарача ладно кафе и пакетче гуми за џвакање. Меѓутоа, кога ја добивме сметката, морав да се вратам во автомобилот по повеќе пари... - раскажува Кац.

- Во тој момент се запрашав зошто кафето и сендвичот чинат толку многу! Некој кој е постојано на пат и има желба да испие повеќе од една шолја кафе на ден и дополнително да изеде мал оброк, би требало да потроши 2.500 шекели месечно (повеќе од 35.000 денари) - вели Кац.

Така, во 2013 година го дизајнираше и лансираше Cofix - синџирот на кафетерии во кои ќе се служи квалитетно кафе по многу поволни цени. На домашниот пазар беа речиси без конкуренција и не е чудно што Cofix продава повеќе од 150.000 шолји кафе дневно, преку 350 кафулиња во Израел, Русија, Белорусија и Полска.

Шоља кафе првично чинеше околу еден долар (околу 50 денари), што предизвика вистински метеж на пазарот, но и обезбеди на компанијата лојални клиенти. Сепак, поради зголемените трошоци, компанијата мораше да ги зголеми цените во 2017 година за да остане во игра. - За тие неколку години кириите и платите во Израел се зголемија за 15%. Висината на минималната плата се зголеми за двапати. Дополнително, се зголемија и цените на основните суровини, така што потегот беше повеќе од оправдан. Направивме револуција и во исто време не ги покачивме многу цените. Сè уште се под реалната цена на производот - објаснува Кац.

Во Cofix кафето е повеќе од двојно поевтино во споредба со цените на главните конкуренти. Покрај тоа, синџирот продава и други производи - цедени сокови, шејкови, колачи, пецива, сендвичи, салати, тестенини... - исто така по цени кои се пониски од пазарниот просек.

И франшизата по поволна цена

Водени од принципот „квалитет по прифатлива цена“, ланецот брзо се прошири во Израел и Русија. Компанијата сега е фокусирана на пазарите во Источна Европа и бара партнери кои ги делат истите вредности кога станува збор за кафетерии - од цената и квалитетот на производите, па се до изгледот и декорацијата на просторот.

Името, понудата и едноставната црно-бела естетика му помогнаа на Cofix да стане многу препознатлив бренд. Од компанијата посочуваат дека развиле бизнис модел отпорен на кризи, кој се базира на основниот принцип - квалитетна понуда по пристапни цени. За инвеститорите и примателите на франшизата, е достапен широк опсег на флексибилни формати, како и модел на фиксни цени што доаѓа со сеопфатната деловна поддршка од страна на Cofix Group. Познато е дека компанијата нуди попуст на новите партнери за франшизата.

Поддршка за примателите на франшизата

  • Константна стручна поддршка и „теренска“ помош
  • Надзорен систем
  • Современи ИТ решенија
  • Маркетинг на социјални медиуми
  • Изработка на програма за лојалност и апликации за мобилни телефони (Apple, Android)

Основни барања на системот

Критериуми за кандидатот:

  • Не е потребно искуство во угостителска дејност
  • Кандидатот треба да го почитува партнерскиот однос, дисциплина, како и разбирање на основните правила на работењето

Критериуми за отварање на кафетерија:

  • Истакната локација во централни градски зони
  • Предна страна на локалот да биде свртена кон улица или на агол
  • Површина на локалот од 30 до 250 м2
  • Минимална ширина на локалот 3,7 м 

Очекуван износ на инвестиција

За отварање на кафетерија под Cofix франшиза е потребно помеѓу 35.000 и 65.000 евра. Точниот износ зависи од големината на просторот и обемот на активности потребен за прилагодување на објектот за нудење на угостителски услуги, најчесто околу 45.000 евра.

  • Инвестиција – 35.000 евра
  • Влезен франшизен надоместок – 6.500 евра
  • Маркетинг – 2% од прометот
  • Месечен франшизен надоместок – 6% од прометот.

Достапна франшиза / Компанијата е фокусирана на пазарот на Источна Европа и бара нови франшизни партнери

погледнете ги текстовите

CHIPAS пристигна во градот Високо, БиХ /29.04.2021

Првата франшизна единица на сараевскиот ресторан CHIPAS во Босна и Херцеговина се отвара во градот Високо.

Безбедно доставување на храна /12.04.2021

Минимален контакт со клиенти, редовна употреба на средства за дезинфекција, и постојана проверка на здравствената состојба на доставувачот - се главните принципи за сигурна достава на храната. Како еден франшизен систем ги применува сите овие принципи во пракса?

Од крофнички до франшиза /27.10.2020

Приказната за „Јети фритули“ од Макарска е добар пример како од мал семеен бизнис може да се направи франшиза. Како се градел овој концепт, што е потребно за профитабилно работење и кои би биле посакувани приматели на франшизата?

Добриот вкус на Steiku Haoss ресторан /10.10.2020

Синџирот семејни ресторани Steiku Haoss од Летонија планира да се прошири и на пазарите во светот. Франшизата е достапна и за претприемачите од регионов.

Автоматизиран „Sид за пијалоци“, угостителски концепт од иднината /05.01.2020

Оригиналниот концепт на услуги по кој се препознаваат рестораните EasyBeer и EasyWine посебно е интересен за гостите, а нивната исплатливост, за претприемачите кои се заинтересирани за оваа франшиза.

најчитани

Брзото читање ја „освои“ и Македонија! /14.01.2020

Франшизниот систем „Училиште за брзо читање и мудро учење“ пристигнува и во нашата земја. Потпишан е договор за мастер франшиза.

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Франшизен пакет /17.07.2018

Франшизен пакет е основата на франшизниот систем, бидејќи го содржи комлетниот бизнис пакет кој го нуди сопственикот на франшизата.

Sara Fashion компанија која освојува /08.11.2019

Ѓорѓи Зорзиќ е меѓу првите кои се заинтересирале за добивање на франшизата на Sara Fashion. Пред точно 10 години отворил франшизна единица во Кавадарци. Ѓорѓи смета дека успехот си доаѓа сам по себе, но најважно од се е да се сака работата, така што неизмерно ќе се вложите во неа, а таа ќе возврати.

Дефиниција на франшизинг /17.07.2018

Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.

популарно во форумот