Место на пазарот за познатата пицерија

Pizza Hut / Според пресметките, за да се отвори ресторан потребно е да се вложат 125 илјади долари, а рестораните можат да се отворат во два формати - Express i Delivery
Вторник
31.12.2019
Pizza Hut започнува со ширење на франшизната мрежа во централна и источна Европа. Што е потребно за отворање на ресторан и колку чини да се работи под овој бренд?
 

Pizza Hut е еден од најпознатите гастрономски брендови, под кој денеска работат повеќе од 13.000 ресторани низ светот. Сопственик на брендот е американската компанија Yum! Brands Inc, а негов ексклузивен оператор во централна и источна Европа е полската компанија AmRest. Во август 2016 година AmRest стана примател на мастер франшизата преземајќи ја обврската и понатаму да продава одделни франшизи на Pizza Hut рестораните во Полска, Чешка, Словачка, Унгарија, Бугарија, но и во Србија, Хрватска и Словенија.

Деновиве има и официјални најави  дека AmRest бара одделни приматели на франшиза во Полска, Чешка и Унгарија. На овој начин AmRest  го развива Pizza Hut во другите земји управувајќи ја франшиузната мрежа од стотина ресторани во Франција, 70 во Германија и речиси 30 ресторани во Русија. А како планира да настапува на пазарите од Централна Европа? – Благодарение на франшизниот развој, Pizza Hut ќе ја забрза динамиката на развивање и влегување на брендот на пазарот со отворање на ресторани во помалите места и градови до 80.000 жители... – стои во официјалното соопштение од AmResta.

Какви ќе бидат условите за соработка?

Според расположивите податоци, договорот за франшиза со одделните приматели ќе биде потпишан на 10 години, со можност за продолжување. Според направените пресметки, за отворање на ресторан потребно е да се вложат најмалку 125 илјади долари, а рестораните можат да се отворат во два формата: Express и Delivery. Pizza Hut Express форматот е приспособен за локации во трговски центри, кино сали и бензински станици. Не бара голем простор, најмалку 40 м2. Вториот формат - Pizza Hut Delivery е ресторан со места за седење, но и достава на домашна адреса.  За овој тип на Pizza Hut ресторани се претпочита централно градско подрачје или големи стамбени населби кои имаат добар пристап за гостите и нивните возила. Потребен е простор од 110 до 120 м2.

Примателот има обврска да плати еднократен влезен надомест (за пристапување кон франшизниот систем), кој изнесува 26.000 долари, а потоа и да издвојува по 6 % од прометот за два месечни надоместоци: редовни и за маркетинг. За возврат, примателот ќе може да смета на поддршката на давателот на франшиза при изборот на локацијата, помош при реновирање и подготовки за отворање ресторан, а потоа и за сите прашања поврзани со работењето. Покрај тоа, примателот поминува и низ детална обука и добива пристап до мрежата на проверени доставувачи.

-       Со влегувањето во голема организација како што е AmRest, на примателот на франшиза му е обезбеден пристап до проверени алатки и системите кои го поддржуваат работењето, што е значајна конкурентска предност. Мислам дека всушност таа е и клучна – вели директорот за франшизно работење за брендот Pizza Hut, Дамиан Рибак.

Покрај брендот Pizza HutAmRest Holdings SE е примател и за мастер франшизите за KFC и Burger King, како и ексклузивен носител за развој на Starbucks за овој дел од Европа. Сопственик е и на брендовите La Tagliatella, Blue Frog, KABB, Bacoa и Sushi Shop. Моментно контролира повеќе од 2000 ресторани за брза храна и ресторани за неформален ручек (со конобари) во 26 земји. На пазарот во Србија AmRest е присутен преку брендовите KFC (девет ресторани) и Starbucks (едно кафуле во Белград).


До познат бренд преку франшиза / Полската компанија AmRest е примател на мастер франшиза од брендот Pizza Hut и има право да продава одделни франшизи со што ќе го шири синџирот во земјите од централна Европа, каде се вклучени и Србија, Хрватска и Словенија.

погледнете ги текстовите

Војна на пилешките сендвичи /19.03.2020

McDonald’s одлучи во своите ресторани во Америка да понуди и два сендвичи со пилешко... Зошто ли е тоа толку значајно? Затоа што прашање е дали тоа би се случило доколку примателите на франшиза не направиле притисок, а сето предизвикано од заострената конкуренција.

За добра пица има добар пазар - Domino's се шири во регионот /04.03.2020

Domino's, најголемиот синџир на пицерии во светот, пролетва ќе ја добие првата франшизна подружница во Хрватска

Одличниот Surf’n’Fries е веќе во Белград. Дали наскоро го гледаме и во Скопје? /13.02.2020

Ланецот ресторани Surf’n’Fries, познат по помфритот, необичните сосови и оригиналната амбалажа, пристигна и во соседството. Првиот ресторан од овој франшизен ланец отворен е во Белград.

Автоматизиран „Sид за пијалоци“, угостителски концепт од иднината /05.01.2020

Оригиналниот концепт на услуги по кој се препознаваат рестораните EasyBeer и EasyWine посебно е интересен за гостите, а нивната исплатливост, за претприемачите кои се заинтересирани за оваа франшиза.

Нов Subway во Загреб /12.12.2019

Subway, најголемиот франшизен ланец на ресторани во светот, кон крајот на ноември го отвори и вториот ресторан во главниот град на Хрватска, Загреб.

најчитани

Што е тоа франшиза? /17.07.2018

Франшизинг е начин на кој сопствениот бизнис можете да го водите под добро познат бренд! Франшизингот го применуваат и некои од најпознатите светски брендови. Да објасниме што е франшизно работење…

Над 200 идеи за успешни бизниси на саемот за франшизи во Варшава /22.10.2019

За три дена, 7000 посетители на саемот на франшизи во Варшава имаа можност да погледнат и изберат помеѓу 200 франшизни брендови и бизнис идеи. Што го издвојува овој Саем и зошто се вели дека е направен „по мерка на претприемачите“?

5 митови за франшизингот - да не направиме грешка во чекори... /11.03.2020

Има повеќе погрешни претпоставки за франшизингот, па не е ни чудно што луѓето кои размислуваат за купување франшиза, често ја менуваат одлуката. Ова се некои од најчестите заблуди...

Бескрајна приказна /19.07.2018

Митко Андонов ја развива франшизата Jumping Clay во Македонија. Во нашиот разговор тој ни открива каде го гледа најголемиот потенцијал и кои се неговите приоритети во бизнисот.

Дефиниција на франшизинг /17.07.2018

Франшизата е облик на соработка помеѓу независни стопанственици. Давателот на франшиза го нуди својот "know-how" и бренд а за возврат наплатува надомест од примателот на франшиза, кој со тој надомест стекнува право и можност да ја користи докажаната бизнис идеја.

популарно во форумот